23.02.2026 | 23:30
Ադրբեջանը նույնպես հետաքրքրություն է հայտնել Եվրոպական խաղաղության գործիքակազմի շրջանակներում օգնություն ստանալու հարցում
ՍԴ դատավոր Հրանտ Նազարյանին ոստիկանները թույլ չեն տվել շենք մտնել. աշխատակազմի ղեկավար
Հասարակություն
03.07.2020 | 13:53
Այսօր Սահմանադրական դատարանի շենքի մոտ միջադեպ է արձանագրվել՝ կապված ՍԴ դատավոր Հրանտ Նազարյանի հետ։ Վերջինիս ոստիկանները թույլ չեն տվել մուտք գործել ՍԴ շենք։
Այս հարցով Factor.am-ը մեկնաբանություն ստացավ ՍԴ աշխատակազմի ղեկավար Էդգար Ղազարյանից։
«Ես միջադեպին ականատես չեմ եղել։ Բայց պարոն Նազարյանն ինձ զանգել, հայտնել է, որ իրեն թույլ չեն տալիս մտնել շենք։ Ես տեղյակ եմ և հաստատում եմ այդ տեղեկությունը»,- ասաց Ղազարյանը։
Նա հորդորեց մանրամասները ճշտել ոստիկանությունից, որն իր կարծիքով՝ այդ գործողության համար պետք է բացատրություն և հիմնավորում ունենա։
Մերի Մարտիրոսյան
