10.06.2026 | 23:29
Հունիսի 7-ին կայացած ԱԺ ընտրությունները աննախադեպ էին. «Նոր ուժ»-ի հայտարարությունը
Պետությունը 70 դրամով կփոխհատուցի աշնանացան ցորենի սերմացուի ձեռքբերումը. էկոնոմիկայի նախարար. ՏԵՍԱՆՅՈՒԹ
Տնտեսություն
02.07.2020 | 11:59
Կառավարությունն այսօրվա նիստում հաստատեց Հայաստանում աշնանացան ցորենի արտադրության խթանման պետական աջակցության ծրագիրը: Հարցը ներկայացրեց ՀՀ էկոնոմիկայի նախարար Տիգրան Խաչատրյանը:
Նախարարը նշեց, որ ծրագրի ընդունումը պայմանավորված է աշխարհում կորոնավիրուսի հետևանքով ստեղծված պայմաններում երկրում պարենային անվտանգության, մասնավորապես՝ պարենային ցորենի ապահովման անհրաժեշտությամբ։
«Այն մարզերում, որտեղ ունենք աշնանացան ցորենի մշակություն, արտադրողականությունը բավական ցածր է: 7 մարզերում գտնվում է մեր աշնանացան ցորենի 95 տոկոսից ավելին: Դրանով հանդերձ, մեկ հեկտարի արտադրողականությունը 2 տոննայից ցածր է: Ուսումնասիրությունները փաստում են, որ ցածր արտադրողականության հիմնական պատճառը սերմացուի ոչ բավարար որակն է: Մենք եկանք եզրակացության, որ խնդիրը որակյալ սերմացուի առկայությունն է շուկայում, և դրա մատչելիությունը գյուղացիների համար: Մենք պարզեցինք, որ կան ընկերություններ, որոնք պատրաստ են որակյալ սերմացու ներկրել, եթե վստահ լինեն, որ գյուղացիների շրջանում դրա նկատմամբ պահանջարկ կա: Մտավախությունն այն է, որ որակյալ սերմացուն անհամեմատ բարձր գին ունի: Մենք որոշեցինք սուբսիդավորել շուկայում առաջարկվող որակյալ սերմացուն: Այս որոշմամբ առաջարկում ենք սահմանել, որ այդ սերմացուի մեկ կիլոգրամի մեջ գնի 70 դրամը կվճարի Կառավարությունը, եթե գյուղացիական տնտեսությունը պատրաստ է իր պարենային ցորենը, որ պահել էր որպես սերմացու, վաճառել 100 դրամով, դրան ավելացնել ևս 50 դրամ և 150 դրամով վճարել այն սերմացուի համար, որի 70 դրամը վճարում է պետությունը»,- ասաց նախարարը:
Նշվեց նաև, որ նախագծի ընդունումը կնպաստի հանրապետությունում ցորենի բերքատվության բարձրացմանը շուրջ 30%-ով։
Մանրամասները՝ տեսանյութում:
