17.09.2026 | 18:10
ՄԻԵԴ-ի ՀՀ-ի դեմ որոշում է կայացրել // ԿԸՀ նախագահը հայտնել է հունիսի 7-ին կիբեռհարձակման մասին․ ԼՈՒՐԵՐ
ՌԴ-ում սահմանադրական փոփոխություններն ուժի մեջ կմտնեն, եթե ռուսաստանցիները հավանություն տան․ Պուտին
Քաղաքականություն
30.06.2020 | 19:59
ՌԴ նախագահ Վլադիմիր Պուտինն այսօր, Սահմանադրության փոփոխությունների համառուսական քվեարկության հիմնական օրվա նախաշեմին, տեսաուղերձով դիմել է քաղաքացիներին։ Նա ռուսաստանցիներին կոչ է արել մասնակցել քվեարկությանը՝ ընդգծելով յուրաքանչյուրի քվեի կարևորությունը, գրում է ՏԱՍՍ-ը։
Նրա խոսքով՝ կողմ քվեարկելով Սահմանադրության փոփոխություններին՝ ռուսաստանցիները «քվեարկում են այն երկրի օգտին, որում ցանկանում են ապրել»։ Պուտինը նշել է, որ խոսքը ժամանակակից կրթության և առողջապահության, հուսալի սոցիալական պաշտպանության, հանրությանը հաշվետու, արդյունավետ իշխանության մասին է։
ՌԴ նախագահը նշել է նաև, որ փոփոխված Սահմանադրությունն ուժի մեջ կմտնի, եթե ռուսաստանցիները հավանություն տան։
«Կրկին ցանկանում եմ ներկայացնել իմ դիրքորոշում։ Այն հստակ է, անփոփոխ և հաստատուն․ Սահմանադրության փոփոխված տեքստը, առաջարկված բոլոր փոփոխություններն ուժի մեջ կմտնեն միայն ձեր համընդհանուր հավանության, ձեր աջակցության դեպքում»,- դիմելով քաղաքացիներին՝ ասել է Վլադիմիր Պուտինը։
