12.12.2024 | 10:31
Նավթի գներն աճել են
Վաղն ԱԺ-ն կքննարկի «Սահմանադրական դատարանի մասին» և ապրիլի 5-ի հանրաքվեն չեղարկելու օրինագծերը
Քաղաքականություն
29.06.2020 | 19:48
Վաղը՝ հունիսի 30-ին, Ազգային ժողովն արտահերթ նիստ կգումարի։ Քննարկվելու են իշխանության համար խիստ կարևոր երկու հարցեր. «Սահմանադրական դատարանի մասին» ՀՀ օրենքում փոփոխությունները, որի արդյունքում միայն հնարավոր կլինի հունիսի 22-ին խորհրդարանում ընդունված սահմանադրական փոփոխությունները կյանքի կոչել։
Հիշեցնենք. այդ փոփոխություններով դադարեցվում է Սահմանադրական դատարանի երեք դատավորների լիազորությունները, իսկ Հրայր Թովմասյանը նախագահի կարգավիճակից զրկվում է՝ դառնալով դատավոր։
Քանի դեռ «Սահմանադրական դատարանի մասին» սահմանադրական օրենքի 88-րդ հոդվածի 5-րդ մասի գործողությունը չի դադարեցվել, այն ենթակա է պարտադիր կատարման բոլոր պետական մարմինների և պաշտոնատար անձանց կողմից։
ԱԺ-ում վաղը քննարկվելու է նաև ապրիլին 5-ին նախանշված Սահմանադրական հանրաքվեն չեղարկելու մասին օրինագիծը։
Հիշեցնենք, որ օրենսդիր մարմինը հունիսի 3-ին երկրորդ ընթերցմամբ և ամբողջությամբ ընդունեց «Իմ քայլը» խմբակցության պատգամավոր Վահագն Հովակիմյանի ներկայացրած «Հանրաքվեի մասին» օրենքում փոփոխություններ և լրացումներ կատարելու մասին օրենքի նախագիծը, որը հանրաքվեն չեղարկելու հնարավորություն տվող օրինագիծն էր։
Մերի Մարտիրոսյան
