14.12.2024 | 17:43
Հաստատվել է ՖԻՖԱ Աշխարհի 2026 թվականի առաջնության որակավորման փուլի խաղացանկը
Համատարած «լոքդաունի» մտադիր ենք գնալ ծայրահեղ դեպքում․ պլան մշակում ենք․ վարչապետ. ՏԵՍԱՆՅՈՒԹ
29.06.2020 | 18:36
Մեզանից յուրաքանչյուրը պետք է ինքն իրեն դնի որոշակի սահմանափակումների մեջ։ Պարետատան այսօրվա նիստից հետո հրավիրված ճեպազրույցում պատասխանելով «գիտակցված լոքդաունի» գնալու անհրաժեշտության մասին հարցին՝ ասաց վարչապետ Նիկոլ Փաշինյանը։
«Որևէ նման գործողության գնալուց առաջ մենք պետք է համոզված լինենք, որ հարյուրին մոտ տոկոս արդյունավետությամբ այդ կանոնը պահպանում ենք։ Էլի եմ ասում՝ եթե մենք «լոքդաունը» կենտրոնական փողոցներում պահենք, իսկ մարդիկ շենքերում շարունակեն իրար հետ նույն ձևով հաղորդակցվել, ի վերջո, մենք ամեն հարկում չենք կարող ոստիկան կանգնեցնել։ Այդ «լոքդաունը» կլինի անարդյունավետ»,- նշեց նա։
Վարչապետի խոսքով՝ համատարած «լոքդաունի» մտադիր են գնալ ծայրահեղ դեպքում և միայն այն պայմաններում, եթե համոզված լինենք, որ հարյուր տոկոսով ունենք մեխանիզմները, թե մինչև ամենավերջին գյուղի ամենահեռավոր փողոցն ինչպես ենք դա պահելու։
Մանրամասները՝ տեսանյութում։
