01.07.2026 | 02:54
ԱԱ-2026. Ֆրանսիան խնդիրներ չունեցավ, Մբապեի դուբլը. ՏԵՍԱՆՅՈՒԹ
Չգիտեմ՝ ումից եմ վարակվել. ջերմություն, ցավ չկա. պատգամավոր Կարեն Համբարձումյանի մոտ կորոնավիրուս է հաստատվել
29.06.2020 | 17:20
Երեկ՝ ժամը 12-ի սահմաններում, կորոնավիրուսի թեստ եմ հանձնել։ Երեկոյան արդեն պարզվեց, որ պատասխանը դրական է։ Այսօր Factor.am-ի հետ զրույցում այս մասին պատմեց ԱԺ «Իմ քայլը» խմբակցության պատգամավոր Կարեն Համբարձումյանը։
Նա շեշտեց, որ այս պահին ջերմություն կամ ցավ չունի։ «Այսօր գնացել եմ բուժկենտրոն՝ ստուգման։ Բժիշկն ասաց, որ ինձ մոտ 5 տոկոսով թոքաբորբի օջախ կա։ Եվ նման դեպքերում բուժումը կարելի է անցկացնել տանը։ Նա դեղերի ցանկ տվեց. կպատվիրեմ այդ դեղերը, որպեսզի չգնամ դեղատուն»,- մանրամասնեց պատգամավորը։
Հարցին՝ իր համար պա՞րզ է, թե ումից է վարակվել՝ Համբարձումյանն արձագանքեց. «Անկեղծ ասած, չգիտեմ՝ ումից եմ վարակվել, քանի որ իմ շփման շրջանակը մեծ է։ Գուցե կանոնները ոչ պատշաճ պահելու արդյունք լինի, բայց միշտ դիմակ եմ կրել ու ալկոգելով ախտահանել ձեռքերս։ Եվ խորհուրդ կտամ մեր հայրենակիցներին ավելի զգույշ լինել, հետևել պարետատան սահմանած բոլոր կանոններին»։
Զրույցի վերջում պատգամավորն առողջություն մաղթեց բոլոր հիվանդներին և շեշտեց, որ ինքն ամեն ինչ անելու է, որպեսզի շուտ ապաքինվի ու վերադառնա աշխատանքի։
Մերի Մարտիրոսյան
