19.09.2026 | 20:00
«Հայաստան այցս հետաձգվում է ֆիզիկական սպառնալիքի մասին նախազգուշացման պատճառով»․ ռուս ընդդիմադիր գործիչ
ԱՊՀ-ին անհանգստացնում է Վրաստանում և Ուկրաինայում տեղակայված ամերիկյան բիոլաբորատորիաների անվտանգությունը
Քաղաքականություն
29.06.2020 | 16:33
Վրաստանում և Ուկրաինայում գործող ամերիկյան կենսաբանական լաբորատորիաների անվտանգությունը մտահոգություն է առաջացնում՝ կապված այդ երկրներում պետական կառավարման խնդիրների հետ։ ՏԱՍՍ-ին տված հարցազրույցում այս մասին ասել է ԱՊՀ հակաահաբեկչական կենտրոնի ղեկավար Անդրեյ Նովիկովը։
«Իրավիճակը, որում հայտնվել է ամբողջ աշխարհը, մեկ այլ խնդիր է ի հայտ բերել՝ ԱՊՀ պետություններին սահմանակից որոշ երկրների տարածքում տեղակայված օտարերկրյա կենսաբանական լաբորատորիաները։ Առանձնահատուկ մտահոգություն է առաջացնում Վրաստանում և Ուկրաինայում տեղակայված ամերիկյան կենսաբանական լաբորատորիաների անվտանգությունը՝ հաշվի առնելով այդ երկրներում պետական կառավարման խնդիրները»,- ասել է Նովիկովը։
Նրա խոսքով՝ «որոշակի հանգամանքներում» կենսաբանական նյութերի արտահոսքի վտանգ կա։ Դա, ըստ նրա, չի վերաբերում ահաբեկչությանը, բայց հնարավոր է բացասական հետևանքների սպառնալիք, ինչպես ցանկացած բարձր տեխնոլոգիական գործընթացում։
«Ներկա համաճարակի փորձը կարող է պատկերացում տալ մարդու կյանքի և առողջության համար վտանգավոր կենսաբանական նյութերի անվերահսկելի արտահոսքի հետևանքների մասին»,- հավելել է ԱՊՀ Հակաահաբեկչական կենտրոնի ղեկավարը։
