12.10.2026 | 17:00
«Եթե չդիմադրեի, ողջ չէինք մնա». Անի Ավետիսյանը մանրամասներ է պատմում Շաքիի միջադեպից․ Ազատություն Ռ/Կ
Լեհաստանում նախագահական ընտրությունների երկրորդ փուլ կանցկացվի
Քաղաքականություն
29.06.2020 | 15:19
Լեհաստանի գործող նախագահ Անջեյ Դուդան, 99.78% քվեաթերթիկների հաշվարկի արդյունքներով, նախագահական ընտրություններում առաջատարն է։ Երկրում, սակայն, քվեարկության երկրորդ փուլ կանցկացվի։ ՌԻԱ Նովոստիի փոխանցմամբ՝ այս մասին հայտնել է Լեհաստանի պետական ընտրական հանձնաժողովի ղեկավար Սիլվեստր Մարչինյակը։
Նշենք, որ կիրակի Լեհաստանում անցկացված նախագահական ընտրություններին 11 թեկնածու է մասնակցել։
Ընտրական հանձնաժողովի տվյալներով՝ Դուդայի օգտին քվեարկել է 8.412.183 ընտրող կամ 43.67%-ը։ Նրա գլխավոր մրցակից, ընդդիմադիր «Քաղաքացիական հարթակ»-ից Ռաֆալ Տշասկովսկին ստացել է 5.845.164 քվե կամ 30.34%-ը, երրորդ տեղում անկախ թեկնածու Շիմոն Խոլովնյան է՝ 2.667.655 ձայնով կամ 13.85%-ով։
Ընտրություններին մասնակցությունը, ՊԸՀ-ի տվյալներով, ռեկորդային է եղել՝ 64.4%:
Այսպիսով, հուլիսի 12-ին նախանշված ընտրությունների երկրորդ փուլում կմրցեն Անջեյ Դուդան և Ռաֆալ Տշասկովսկին։
