Արմեն Սարգսյանը հյուրընկալել է ֆրանսիացի բուժաշխատողների երկրորդ խմբին

Լուրեր

17.11.2026 | 12:04
ՈՒԵՖԱ-ն իր թեկնածուին է ընտրել ՖԻՖԱ-ի նախագահի ընտրություններում
17.11.2026 | 11:58
Ռուբեն Ռուբինյանի ճեպազրույցը՝ ՈՒՂԻՂ
17.11.2026 | 11:56
Պերուում Հռոմի պապի աչքին է դիպել ամբոխից նետված տերողորմյան․ ՏԵՍԱՆՅՈՒԹ
17.11.2026 | 11:55
Ինչո՞վ եք տարբերվում սովետից, 99 տոկոս քվեարկում էին Կոմկուսի օգտին. Արթուր Խաչատրյանը` ՔՊ-ին․ ՏԵՍԱՆՅՈՒԹ
17.11.2026 | 11:47
ԱՄՆ-ում քննարկվել են Հայաստանի՝ տարածաշրջանային տեխնոլոգիական կենտրոն դառնալու հնարավորությունները
17.11.2026 | 11:38
Մոնղոլիայի նախագահը հայտարարել է հրաժարականի մասին՝ 25 միլիոն դոլարի կաշառք ստանալու մեղադրանքների ֆոնին
17.11.2026 | 11:35
Հասմիկ Հակոբյանի ճեպազրույցը՝ ՈՒՂԻՂ
17.11.2026 | 11:30
Հայտնի է՝ որ զամբյուղում է լինելու Հայաստանի հավաքականը Եվրո-2028-ի որակավորման փուլի վիճակահանության ժամանակ
17.11.2026 | 11:19
Գերմանիայի ԱԳ նախարարը Հայաստան և Ադրբեջան է ժամանում
17.11.2026 | 11:15
Միրզոյանը ՆԱՏՕ-ի ներկայացուցչի հետ քննարկել է Հայաստան-ՆԱՏՕ համագործակցության ընդլայնումն ու Կոսովոյում ՀՀ խաղաղապահների առաքելությունը
17.11.2026 | 11:08
ԵՄ-ի բանակցային թիմն առաջին անգամ մասնակցել է ԱՄՆ-ի և Ուկրաինայի բանակցություններին
17.11.2026 | 11:00
Գևորգ Ղազարյանն ու Ռոբերտ Արզումանյանը՝ հայկական ֆուտբոլի խնդիրների մասին. ՏԵՍԱՆՅՈՒԹ
17.11.2026 | 10:48
Միրզոյանը Ռումինիայի ԱԳ նախարարի հետ քննարկել է հայկական արտադրանքի համար եվրոպական շուկաների հասանելիության ընդլայնումը
17.11.2026 | 10:36
Թափառող շների հարձակումների խնդիրը սրվել է, իսկ տուժածների վնասի փոխհատուցման հարցը չի լուծվում․ ՄԻՊ
17.11.2026 | 10:25
Ուկրաինան կրկին հարվածել է Ղրիմի կամրջին, փլուզվել է կամարներից մեկը. ՏԵՍԱՆՅՈՒԹ
Բոլորը

Հանրապետության նախագահ Արմեն Սարգսյանն այսօր հյուրընկալել է կորոնավիրուսի համավարակի դեմ պայքարում հայ գործընկերներին օգնելու նպատակով Հայաստան ժամանած ֆրանսիացի բուժաշխատողների երկրորդ խմբին: Հանդիպմանը ներկա են եղել նաև Հայաստանում Ֆրանսիայի արտակարգ և լիազոր դեսպան Ժոնաթան Լաքոտը, Հայաստանի պետական հետաքրքրությունների ֆոնդի գործադիր տնօրեն Դավիթ Փափազյանը, առողջապահության նախարարի առաջին տեղակալ Անահիտ Ավանեսյանը:

Նախագահ Սարգսյանը ողջունել է ֆրանսիացի բժիշկներին, որոնց թվում են նաև մեր հայրենակիցներ Լորան Փափազյանը և Հայկ Վարդանյանը: «Գնահատելի է, որ եկել եք օգնելու և աջակցելու ձեր հայաստանցի գործընկերներին ու մեր ժողովրդին: Հայաստանի նախագահն ու կառավարությունը մեծապես գնահատում են այն, ինչ դուք հիմա անում եք,-ընդգծել է նախագահը: -Ֆրանսիայում համավարակի հաղթահարման ծանրաբեռնված աշխատանքից հետո ձեր կողմից իսկապես համարձակ քայլ է գալ Հայաստան, որտեղ համավարակը շարունակվում է, ձեզ ռիսկի ենթարկել և օգնության ձեռք մեկնել»:

Հայաստանում Ֆրանսիայի արտակարգ և լիազոր դեսպան Ժոնաթան Լաքոտը նույնպես շնորհակալություն է հայտնել բժիշկներին՝ բարեկամ Հայաստան այցելելու համար՝ նշելով, որ նրանք այս ընթացքում լինելու են Ֆրանսիայի դեսպանները Հայաստանի բուժհաստատություններում:

Նախագահ Սարգսյանը դեսպան Լաքոտին խնդրել է իր շնորհակալությունը փոխանցել Ֆրանսիայի նախագահ Մակրոնին և Ֆրանսիայի կառավարությանն ու բարեկամ ժողովրդին՝ դժվարին պահին մեր երկրին աջակցելու համար:

Ֆրանսիացի բուժաշխատողները նշել են, որ պատրաստակամությամբ են օգնում հայաստանցի գործընկերներին, ովքեր համավարակի այս օրերին հսկայական ու առանձնահատուկ աշխատանք են իրականացնում:

Հանդիպման ավարտին նախագահ Սարգսյանը ֆրանսիացի բուժաշխատողներին առաջարկել է համավարակից հետո կրկին այցելել Հայաստան, ինչպես նաև շարունակել մասնագիտական փորձի փոխանակումն ու կապերի հաստատումը հայ գործընկերների հետ, փորձի փոխանակում իրականացնել նաև ուսանողների միջև՝ պահպանելով ու սերունդներին փոխանցելով բարեկամական ու եղբայրական հարաբերությունների ավանդույթները: