20.01.2026 | 16:00
Արփինե Սարգսյանը ՆԳՆ Ոստիկանության և Փրկարար ծառայության անձնակազմերին է ներկայացրել նորանշանակ ղեկավարներին
Տնտեսական ակտիվությունը մայիսին նվազել է 12.8%-ով
Տնտեսություն
26.06.2020 | 20:27
2020թ. հունվար-մայիս ամիսներին, նախորդ տարվա նույն ժամանակաշրջանի համեմատ, հանրապետությունում տնտեսական ակտիվության ցուցանիշը նվազել է 3.9%-ով, իսկ 2020թ. մայիսին նախորդ տարվա նույն ժամանակահատվածի համեմատ նվազումը եղել է շուրջ 12.8%-ով:
Նշենք, որ սրանք նախնական տվյալներ են և հետագայում կարող են ճշգրտվել։
Արտաքին առևտրաշրջանառությունը այս տարվա հունվար-մայիս ամիսներին նախորդ տարվա համեմատ նվազել է 11,2 տոկոսով։ Այս ընթացքում ավելի շատ նվազում է նկատվել ներմուծման տվյալներում՝ 12,8 տոկոս, իսկ արտահանումը նվազել է 8,1 տոկոսով։
Իսկ 2020թ.-ի ապրիլ-մայիս համեմատությամբ միտումը դրական է․ արտաքին առևտրաշրջանառությունն աճել է 13 տոկոսով, 30,7 տոկոսով ավելացել է արտահանումը, 4,3 տոկոսով՝ ներմուծումը։
2020 թվականի հունվար-մայիս ամիսներին շինարարության ծավալների նվազում է նկատվել 23,4 տոկոսով, սակայն այս տարվա մայիսին, նախորդ ամսվա նկատմամբ զգալի աճ է նկատվել՝ 112 տոկոսով։
Նշենք նաև, որ Վճակագրական ծառայության հրապարակած տվյալներով մայիս ամսին նախորդ տարվա նույն ամսվա համեմատ գրանցվել է 1,2 տոկոս գնաճ։ Թանկացել են հացաբուլկեղենը, այլուրն ու ձավարեղենը, մակարոնեղենը։ Մի շարք ապրանքներ ընհակառակը՝ գնանկում են գրանցել։ Դրանցից են ձուկը և ծովամթերքը, թռչնամիսը, խոզի միսը։
