06.04.2026 | 13:50
ՀԱՊԿ-ը պետք է շատ զգույշ և կոռեկտ լինի Հայաստանի հետ իր աշխատանքում. Լուկաշենկո
Առաջիկայում պետք է գնանք հակահամաճարակային պայմանների խստացման․ վարչապետ. ՏԵՍԱՆՅՈՒԹ
Հասարակություն
26.06.2020 | 18:15
Կորոնավիրուսի համաճարակի իմաստով, ցավոք, նոր հակառեկորդներ ենք սահմանում: Այսօր պարետատան նիստից հետո հրավիրված ճեպազրույցում այս մասին ասաց ՀՀ վարչապետ Նիկոլ Փաշինյանը:
«Ցավոք, այսօր Հայաստանը մեկ մլն բնակչին ընկնող վարակվածների թվով և ամենօրյա վարակակիրների թվով առաջատար տեղ է զբաղեցնում աշխարհում: Սա մեծ պրոբլեմ է բոլորիս համար, բայց կա կարևոր պրոբլեմ, որից բխում է այս երկրորդ պրոբլեմը՝ այս վիճակը գիտակցումը և տրամադրությունը Հայաստանում չկա։ Այս պայմաններում մեր երկրում պետք է լիներ մի իրավիճակ, երբ մեր երկրի բնակչությունն ամենօրյա ռեժիմով պայքարում է համավարակի դեմ: Բայց, ցավոք, մենք այդպիսի իրավիճակ չունենք: Ընդհակառակը, շարունակվում է ապատեղեկատվության տարածումը կորոնավիրուսի վերաբերյալ, շատ դեպքերում կյանքը շարունակում է իր բնականոն հունով ընթանալ, ինչին մենք, իհարկե, դեմ չենք, բայց կարծում ենք, որ հակահամաճարակային կանոնները պետք է խստիվ պահպանվեն»,- ասաց նա:
Ըստ նրա՝ պարետատան քննարկում են ունեցել և եկել եզրահանգման, որ այլընտրանք չկա և առաջիկայում պետք է գնալ հակահամաճարակային կանոնների խստացման:
«Քանի դեռ մենք այս թվերի փոփոխություն չունենք, քանի դեռ հակառակ դինամիկան չենք արձանագրել, մենք պետք է գնանք խստացման կանոններով: Ընդ որում՝ այդ խստացումների փաթեթը կարող է ամենատարբեր ուղղությունները ունենալ»,- նշեց Փաշինյանը:
Մանրամասները՝ տեսանյութում։
