12.10.2026 | 23:18
Գազամատակարարման դադարեցումներ՝ Հայաստանի մի շարք հասցեներում
ԱՀԿ-ն հայտնել է Եվրոպայում կորոնավիրուսի նոր բռնկման մասին
Քաղաքականություն
25.06.2020 | 21:00
Եվրոպայում COVID-19-ով հիվանդացության նոր բռնկում է նկատվում այն բանից հետո, երբ երկրները սկսել են թուլացնել սահմանափակումները։ «Կոմերսանտ»-ի փոխանցմամբ՝ այս մասին հայտնել է Առողջապահության համաշխարհային կազմակերպության (ԱՀԿ) Եվրոպական տարածաշրջանային բյուրոյի տնօրեն Հանս Կլյուգեն։
Նա հավելել է, որ վարակի նոր դեպքերի թիվը երկու շաբաթվա ընթացքում ավելացել է 30 երկրներում։
«Անցյալ ամիս Եվրոպայում, մի քանի ամսվա ընթացքում առաջին անգամ, հիվանդացության ամենշաբաթյա դեպքերի թվի աճ է նկատվել։ Վերջին երկու շաբաթվա ընթացքում 30 երկրներում վարակի նոր դեպքերի թվի աճ կա»,- ասել է Կլյուգեն։
ԱՀԿ ղեկավար Թեդրոս Գեբրեիսուսի խոսքով՝ կազմակերպությունը հաջորդ շաբաթ 10 մլն վարակված և 500 հազար մահ է սպասում։
Ավելի վաղ՝ հունիսի 22-ին, ԱՀԿ-ն հայտարարել էր աշխարհում կորոնավիրուսով վարակի ռեկորդի թվի մասին․ մեկ օրվա ընթացքում վարակի ավելի քան 180 հազար դեպք էր արձանագրվել։ Այս ֆոնին վերսկսվել են կորոնավիրուսի երկրորդ ալիքի հավանականության մասին խոսակցությունները։
