30.08.2026 | 00:13
Հայտնի է «Արարատ-Արմենիայի» խաղացանկը Եվրոպա լիգայում
Ձեր պաշտոնավարումը աննամուսության և անամոթության վառ օրինակ է․ Բաբաջանյանը՝ Յոլյանին. ՏԵՍԱՆՅՈՒԹ
Քաղաքականություն
25.06.2020 | 18:43
Ազգային ժողովի արտահերթ նիստում քննարկվում է Հայաստանի Հանրապետության Հաշվեքննիչ պալատի 2019 թվականի գործունեության վերաբերյալ տարեկան հաղորդումը, որը ներկայացրեց ՀՊ նախագահ Լևոն Յոլյանը։
Անդրադառնալով հաղորդմանը՝ պատգամավոր Արման Բաբաջանյանը նշեց, որ երկրորդ տարին է, ինչ Հաշվեքննիչ պալատը ներկայացնում է անորակ, անբովանդակ, ոչինչ չասող հաղորդումներ։
«Պարո՛ն Յոլյան, իմ դիտարկմամբ՝ Ձեր պաշտոնավարումը Հայաստանում աննամուսության և անամոթության վառ օրինակ է։ Ես, իհարկե, չեմ զարմանում, որովհետև դա հատուկ է Ձեր տեսակին։ Միանգամից ու ցավով պետք է արձանագրեմ, որ մեզ ներկայացված Ձեր հաղորդումը, ըստ էության, քննարկելու ոչինչ չկա, այն գրեթե անբովանդակ, հերթական ձևակերպումներով փաստաթուղթ է, որի ընդհանրական իմաստն այն է, որ Հաշվեքննիչ պալատը որպես մարմին գոյություն ունեցել է, ինչ-որ բան արել է՝ պետական բյուջեից դրա համար ստանալով զգալի ֆինանսական միջոցներ, բայց այդ փաստաթղթում մենք չենք տեսնում որևէ ցնցող բացահայտում պետբյուջեի միջոցներից կատարված մսխումների որևէ դեպքի վերաբերյալ, որը, ցավոք, դեռևս շատ է մեր երկրում»,- նշեց պատգամավորը։
Բաբաջանյանը ներկայացրեց, իր ձևակերպմամբ՝ «մեկ-երկու դրվագ Յոլյանի հետ փոխկապակցված մութ բիզնես անցյալից»։
Մանրամասները՝ տեսանյութում։
