17.09.2026 | 20:00
Սպառնալիք կա Ալիևի մտածողության մեջ․ ագրեսիայի շանս կստանա, եթե ՀՀ-ն ուշ է խոսում վտանգներից․ Մեսրոպ Առաքելյան․ ՏԵՍԱՆՅՈՒԹ
Հորդորում ենք դուրս չգալ լիազորությունների շրջանակից. ՍԴ 4 դատավորները՝ արդարադատության նախարարին
Հասարակություն
25.06.2020 | 17:27
Սահմանադրական դատարանը հրապարակել է ՍԴ 4 դատավորների հայտարարությունը՝ ի պատասխան արդարադատության նախարարի՝ այսօր ԲԴԽ նիստից հետո լրագրողների հետ զրույցում արած հայտարարության:
Հիշեցնենք, որ նախարար Ռուստամ Բադասյանը, ի պատասխան Factor.am-ի հարցին, թե եթե ՍԴ դատավորները չենթարկվեն ուժի մեջ մտնող փոփոխությանը, արդյոք նրանց նկատմամբ հարկադրանքի միջոցներ կկիրառվեն, ասել էր․ «Փոփոխության՝ վաղվանից ուժի մեջ մտնելուց հետո, ցանկացած անձ պարտավոր է դրան ենթարկվել, չեմ կարծում, թե հարկադրանքի կարիքը կա, չկա չենթարկվելու ձև»։
ՍԴ հայտարարությունը՝ ստորև.
«Ի պատասխան Արդարադատության նախարարի հայտարարության՝ երկու օրից ՍԴ նախագահի լիազորությունների դադարեցման և ևս երեք դատավորի պաշտոնանկ արվելու վերաբերյալ, մենք, ներքոստորոգրյալներս, հայտնում ենք.
Սահմանադրության 167-րդ հոդվածի համաձայն՝ Սահմանադրական դատարանի լիազորությունները սահմանվում են Սահմանադրությամբ, իսկ կազմավորման և գործունեության կարգը` Սահմանադրությամբ և Սահմանադրական դատարանի մասին օրենքով:
«Սահմանադրական դատարանի մասին» սահմանադրական օրենքի վերոնշյալ նորմը չի վիճարկվել Սահմանադրական դատարանում, չի ճանաչվել Սահմանադրությանը հակասող, ԱԺ կողմից չի ճանաչվել ուժը կորցրած, ուստի գործող է և ենթակա է կատարման:
Վերոգրյալից ելնելով՝ համապատասխան պաշտոնյաներին հորդորում ենք դուրս չգալ Սահմանադրությամբ և օրենքներով սահմանված լիազորությունների շրջանակից, իրավունքի ու օրինականության ծիրից:
Հ. Թովմասյան
Ա. Գյուլումյան
Ֆ. Թոխյան
Հ. Նազարյան»:
