26.09.2026 | 19:57
Միրզոյանը Ֆիլիպինների իր պաշտոնակցի հետ քննարկել է երկու երկրի միջև հարաբերությունների զարգացման հնարավորությունները
Ալիևը խոստովանել է, որ նավթի գների նվազման պատճառով Ադրբեջանի տնտեսությունն անկում է ապրում
Քաղաքականություն
25.06.2020 | 15:57
2020 թվականի առաջին հինգ ամիսների արդյունքները ցույց են տալիս, որ Ադրբեջանի տնտեսությունն անկում է ապրում։ Այս մասին ասել է Ադրբեջանի նախագահ Իլհամ Ալիևը, հաղորդում են տեղի լրատվամիջոցները։
Ալիևի խոսքով՝ կորոնավիրուսի համավարակի պատճառով Ադրբեջանի ՀՆԱ-ի անկումը հունվար-մայիս ամիսներին կազմել է 1․7 տոկոս, քանի որ տնտեսության համար կարևոր ոլորտները ստիպված են եղել դադարեցրել աշխատանքը։
«Իհարկե, տնտեսությունն անկում է ապրում։ Դեռ պարզ չէ՝ ինչ խնդիրներ են մեզ սպասվում տարեվերջին։ Յուրաքանչյուրը սա պիտի իմանա։ Միևնույն ժամանակ, համաշխարհային շուկայում նավթի գները դեռ չեն կայունացել։ Ադրբեջանի բյուջեում նավթի գինը հաշվարկված է 55 դոլար, իսկ հինգ ամիսների արդյունքով նավթի միջին գինը կազմում է 41 դոլար։ Հետևաբար՝ մեր եկամուտները նվազում են։ Տնտեսության մի շարք ոլորտներ, կարելի է ասել, անգործության են մատնված։ Դրանցից մեկն էլ զբոսաշրջությունն է»,- ասել է Ալիևը։
Նա հավելել է, որ զբոսաշրջությունը տնտեսության կարևոր ոլորտներից է, անցյալ տարի երկիրն ընդունել է 3 մլն զբոսաշրջիկի։
«Տարբեր գնահատականներով՝ զբոսաշրջիկներն անցյալ տարի Ադրբեջանում ծախսել են 1․5-2 մլրդ դոլար։ Սա նշականում է երկրում արտարժույթի հոսքի ավելացում։ Բայց այսօր մենք դրանից զրկվել ենք»,- ասել է Ադրբեջանի նախագահը։
