26.10.2026 | 21:00
Սա ընդդիմության մահախոսականը չէ․ ՏԻՄ ընտրություններին չմասնակցեցինք՝ նոր հարվածներ չստանալու համար․ Արման Աբովյան․ ՏԵՍԱՆՅՈՒԹ
Առաջարկում եմ Միքայել Մինասյանին, որ հաջորդ ընտրությանը ԲՀԿ ցուցակով մասնակցի. Ալեն Սիմոնյան. ՏԵՍԱՆՅՈՒԹ
Քաղաքականություն
25.06.2020 | 15:05
Չեմ ուզում խառնվել Սերժ Սարգսյանի փեսա Միքայել Մինասյանի և ԼՀԿ ղեկավար Էդմոն Մարուքյանի դիսկուրսին: Այդ մասին այսօր խորհրդարանում լրագրողներին ասաց ԱԺ փոխխոսնակ Ալեն Սիմոնյանը՝ արձագանքելով Մինասյանի վերջին գրառմանը:
Հիշեցնենք, որ Միքայել Մինասյանը մասնավորապես գրել էր. «Էդմո´ն, գիտե՞ս որն է քո ու Հրայրի տարբերությունը։ Շատ բան: Շատ բան, որոնք խտանում են այն իրողության մեջ, որ Հրայր Թովմասյանի սանիկները հանուն պետության ու հանուն քավորի զրկանքներ են կրում, կալանավորվում են խելագարի պատվերով ու տղամարդու պես դիմակայում բոլոր հարձակումներին, իսկ քո սանիկն առաջին իսկ հարմար առիթի դեպքում դավաճանում է քեզ, հետո էլ ԱԺ դահլիճում նստած նայում, թե ինչպես են նախ ստորացնում, ապա ծեծում իր քավորին: Սրանք օբյեկտիվ հետևանքներ են»:
Բացի այդ, Մինասյանն անդրադարձել էր ԲՀԿ-ին: «Հայաստանի Ազգային ժողովում արդեն կա մեկ ընդդիմություն՝ ի դեմս ԲՀԿ-ի։ Չնայած բոլոր քաղաքական հալածանքներին՝ նրանցից յուրաքանչյուրը միշտ բացճակատ ու բարձր գլխով է քայլելու, որովհետև առանց վարանելու իրենցից կախված ամեն բան արեցին իրավական պետության ոչնչացումը կանխելու համար»,- գրել էր նա:
Այս առնչությամբ Սիմոնյանը նշեց, թե զավեշտալի է, որ Մինասյանը ԲՀԿ-ին համարում է ընդդիմություն: «Առաջարկում եմ Միքայել Մինասյանին, որ հաջորդ ընտրությանը ԲՀԿ ցուցակով մասնակցի»,- ասաց նա:
Մանրամասները՝ տեսանյութում:
Մերի Մարտիրոսյան
