18.11.2024 | 08:23
ԲԴԽ նախագահ Կարեն Անդրեասյանը պաշտոնից ազատման դիմում է ներկայացրել
Հայտնվել են «բայղուշներ», ասում են՝ սով է լինելու․ առաջին մեծ բայղուշությունը արեց համազգային փեսան. Անդրանիկ Քոչարյան. ՏԵՍԱՆՅՈՒԹ
Հասարակություն
25.06.2020 | 11:38
Այսօր Ազգային ժողովում «Իմ քայլը» խմբակցության պատգամավոր, պաշտպանության և անվտանգության հարցերի հանձնաժողովի նախագահ Անդրանիկ Քոչարյանը ափսոսանք հայտնեց, որ «Բարգավաճ Հայաստան» խմբակցության պատգամավորները ներկա չեն 2019 թվականի պետբյուջեի կատարողականի քննարկմանը։
«Կատարողականը կարևոր է նաև այն առումով, որ վերջին օրերի քննարկումները միտված էին Կառավարության թվացյալ անհաջողություններին, և արդյունքում գալիս էին եզրահանգումների, թե Կառավարության 97-100%-ը պետք է փոխվի։ Մի քանի անգամ ֆինանսների նախարարի, Արտակ Մանուկյանի հետ քննարկում էի՝ ի վերջո, սով լինելո՞ւ է, թե՞ չէ…»,- նշեց Քոչարյանը։
Նա ասաց՝ վերջին շրջանում հայտնվել են «բայղուշներ», ովքեր վնասում են երկրի անվտանգությունը։
«Առաջին մեծ բայղուշությունը արեց համազգային փեսան, երբ իր սերիալներից մեկում արդեն անդրադարձ կատարեց անվտանգության ոլորտին և մեր բանակի վերջին ձեռքբերումներին, ընդ որում՝ արեց շատ վատ եղանակով և, ըստ էության, վտանգեց մեր երկիրը»,- նշեց պատգամավորը։
Մանրամասները՝ տեսանյութում։
