30.08.2026 | 00:13
Հայտնի է «Արարատ-Արմենիայի» խաղացանկը Եվրոպա լիգայում
Շվեյցարիայի իշխանությունները կվճարեն COVID-19-ի համար թեստավորվող քաղաքացիների փոխարեն․ Deutsche Welle
Քաղաքականություն
24.06.2020 | 19:43
Հունիսի 25-ից Շվեյցարիայի իշխանությունները կհոգան COVID-19-ն ու դրա հակամարմինների առկայությունը հայտնաբերող թեստերի հետ կապված վճարները: Այս քայլի նպատակը զանգվածային թեստավորման խթանումն է և երկրի բնակիչներին ծախսերից ազատելը։ Այս մասին տեղեկանում ենք Շվեյցարիայի Դաշնային խորհրդի կայքում տեղադրված հայտարարությունից։
Փաստաթղթում ընդգծվում է, որ վարակակիրների կոնտակտավորների հայտնաբերումը և զանգվածային թեստավորումը վարակի տարածման շղթան կոտրելու կարևոր գործոններից են։
Հավելենք, որ worldometers.info վիճակագրական կայքի տվյալներով՝ 8․6 միլիոն բնակչություն ունեցող Շվեյցարիայում մինչ օրս կատարվել է COVID-19-ի 523․909 թեստավորում։ Երկրում կորոնավիրուսի հաստատված դեպքերը 31․376-ն են, իսկ մահվան դեպքերը՝ 1․958։
Նելլի Մելքոնյան
