30.08.2026 | 00:13
Հայտնի է «Արարատ-Արմենիայի» խաղացանկը Եվրոպա լիգայում
Սմբատ Գոգյանը հրաժարվել է հանցագործության մասին հայտարարություն տալ. ԿԳՄՍ նախարար
Հասարակություն
24.06.2020 | 16:02
Այսօր խորհրդարանում լրագրողները ՀՀ կրթության, գիտության, մշակույթի և սպորտի նախարար Արայիկ Հարությունյանից հետաքրքրվեցին, թե ինչ նորություն կա ԲՈԿ նախագահի պաշտոնից ազատման դիմում գրած Սմբատ Գոգյանի կողմից ոլորտի խնդիրների վերաբերյալ հայտարարությունների առնչությամբ:
«Նորություն լինի, կիմանաք, էլի»,- ասաց նախարարը:
Դիտարկմանը, թե Գոգյանի բարձրաձայնած խնդիրների առնչությամբ ծանոթ չենք ԿԳՄՍ նախարարի տեսակետին՝ Հարությունյանն ասաց. «Դուք գիտեք, որ ես նրա հայտարարության հետ կապված համապատասխան հայտարարություն էի արել: Իրավապահ մարմինները որոշակի նյութերի նախապատրաստում էին իրականացրել: Սմբատ Գոգյանին նույնպես նրանք հրավիրել էին: Դրանից առաջ նա մեծ աղմուկ էր բարձրացրել մամուլում՝ խառնելով ամբողջ մամուլն իրար՝ տարբեր հայտարարություններով: Բայց Սմբատ Գոգյանը գնացել և հրաժարվել է հանցագործության մասին հայտարարություն տալ»:
Մանրամասները՝ տեսանյութում:
Մերի Մարտիրոսյան
