01.07.2026 | 02:54
ԱԱ-2026. Ֆրանսիան խնդիրներ չունեցավ, Մբապեի դուբլը. ՏԵՍԱՆՅՈՒԹ
Մայիսին ավելի քան 50 հազար աշխատատեղ վերականգնվել է․ պետք է խուսափենք «լոք դաունից»․ Փաշինյան. ՏԵՍԱՆՅՈՒԹ
Տնտեսություն
23.06.2020 | 17:23
Այս տարվա մայիսին, կորոնավիրուսով պայմանավորված սահմանափակումների վերացումից հետո, ավելի քան 50 հազար աշխատատեղ է վերականգնվել։ Այս մասին ֆեյսբուքյան ուղիղ եթերով հայտնեց ՀՀ վարչապետ Նիկոլ Փաշինյանը։
«Ապրիլի արգելափակումից հետո ամենակարևոր պրոբլեմը, որ մենք ունեցանք, կապված է տնտեսության հետ։ Մենք տեսնում ենք, որ տնտեսությունն արագ տեմպերով գահավիժում է, և ապրիլին, ըստ էության, փակվել է 71 հազար 471 աշխատատեղ։ Այս և մի քանի այլ տվյալներ վերլուծելով՝ վերջնականապես համոզվեցինք, որ պետք է որդեգրենք կորոնավիրուսին զուգահեռ ապրելու ռազմավարություն, հակառակ դեպքում՝ ոչ միայն տնտեսության անկում, այլև տնտեսական փլուզում կունենանք։ Այս մեր մոտեցումն արդեն, ըստ էության, հիմնավորում է իր ճշմարտացիությունը։ Մեծ ուրախությամբ պիտի արձանագրեմ, որ մայիսին, երբ որոշեցինք «լոք դաունի» քաղաքականությունը չշարունակել, 50 հազար 94 աշխատատեղ վերականգնվել է։ Ընդ որում՝ ես խոսում եմ միայն վճարվող աշխատատեղերի մասին, որովհետև մեր վիճակագրության մեջ կան աշխատատեղեր, երբ մարդը դե յուրե աշխատում է, բայց աշխատավարձ չի ստանում, զրոական հաշվետվություն է ներկայացվում»,- նշեց վարչապետը։
Փաշինյանն ընդգծեց, որ պետք է ամեն ինչ անել, որպեսզի չվերադառնանք արգելափակումներին, այլապես այս անգամ, հնարավոր է, ավելի շատ աշխատատեղերի կորուստ արձանագրվի։
Մանրամասները՝ տեսանյութում։
