05.07.2026 | 22:44
Աշխարհի առաջնությունների պատմության մեջ առաջին անգամ ֆուտբոլիստի կարմիր քարտը չեղարկվել է
Ծառուկյանի կողմից «կանյաչնիում» մանդատները խլելու մասին Factor TV-ի հարցազրույցից հետո Հմայակ Հովհաննիսյանը ՔԿ-ում հարցաքննվել է
Հասարակություն
23.06.2020 | 13:11
Օրեր առաջ Factor TV-ին տված հարցազրույցում Հայաստանի քաղաքագետների միության նախագահ Հմայակ Հովհաննիսյանը հայտարարել էր, որ Գագիկ Ծառուկյանը 2012 թվականի ԱԺ ընտրություններից հետո «կանյաչնիում պատանդ է վերցրել պատգամավորներին, սպառնալիքներով խլել է մանդատները», և ինքը ստիպված է եղել սպառնալիքների ճնշման ներքո հրաժարվել մանդատից, իսկ կողքի սենյակում Հովիկ Աբրահամյանի նոտար դուստրը վավերացնում էր փաստաթղթերը։
Factor TV-ին տված հարցազրույցի հրապարակումից անմիջապես հետո Քննչական կոմիտեի նախագահի տեղակալ – հատկապես կարևոր գործերի քննության գլխավոր վարչության պետ Արթուր Մելիքյանը կապվել է քաղաքագետի հետ և հրավիրել հնչեցրած տեղեկությունների վերաբերյալ պարզաբանումներ տալու․ «Քննչական կոմիտեում հարուցված երկու գործ կա՝ մեկը «Հյուսիս-հարավի» կողոպուտի գործն է, մյուսը «Պարտեզ» ռեստորանում Գագիկ Ծառուկյանի որդու մասնակցությամբ տեղի ունեցած երկու սպանությունների գործն է, սպանվածներից մեկը ՀԺԿ-ի՝ Աբովյանի տարածքային կազմակերպության ղեկավար Ջիվան Հարությունյանի թոռն է։ Այդ գործերի շրջանակում որպես վկա տվեցի ցուցմունքներ։ Ուժերիս և գիտելիքներիս ներածին չափով պատրաստակամ եմ նպաստել մեր երկրում արդարադատության իրականացմանը»,- մեզ հետ զրույցում ասաց Հմայակ Հովհաննիսյանը։
Քաղաքագետի հայտնած մյուս տեղեկության հիման վրա, ըստ որի՝ «կանյաչնիում» Ծառուկյանի սպառնալիքների ներքո 14 ընտրված պատգամավորները հրաժարվել են մանդատներից, դեռևս քրեական գործ չի հարուցվել, քանի որ Հովհաննիսյանը պատրաստվում է ինչպես Factor TV-ի եթերում հնչեցրած տեղեկությունները, այնպես էլ դեռևս չհրապարակած փաստերը ավելի մեծ ծավալով ներկայացնել ՀՔԾ, որտեղ էլ ընթացք կտրվի։
Առաջարկում ենք նաև դիտել Հմայակ Հովհաննիսյանի՝ Factor TV-ին օրերս տված հարցազրույցը։
Ռոբերտ Անանյան
