26.12.2025 | 23:15
Ալիևն Արցախում իր ընտանիքին պատկանող հերթական հյուրանոցն է բացել
Նախագահականն առայժմ ասելիք չունի. Արմեն Սարգսյանը կստորագրի՞ ՍԴ կազմը փոխելու օրենքը, թե՞ ոչ
Քաղաքականություն
23.06.2020 | 11:30
Ազգային ժողովը երեկ ընդունեց Սահմանադրության փոփոխություններ նախատեսող նախագիծը, որով Սահմանադրական դատարանի գործող նախագահը պաշտոնանկ է արվում, իսկ ՍԴ երեք անդամներ ուղարկվում են թոշակի: Երեկ ընդունվեց նաև ԱԺ կանոնակարգ օրենքի փոփոխությունը, որն ուժի մեջ կմտնի Հանրապետության նախագահի կողմից ստորագրվելուց հետո։ Դրանից հետո ԱԺ նախագահը կհրապարակի Սահմանադրական փոփոխությունների փաթեթը, և այդ պահից ՍԴ նախագահը պաշտոնանկ կհամարվի, իսկ ՍԴ երեք դատավորների լիազորությունները կդադարեն:
Factor.am-ը փորձեց նախագահի աշխատակազմի մամուլի բաժնից ճշտել՝ արդո՞ք Արմեն Սարգսյանը ստորագրել է խորհրդարանի ընդունած փոփոխությունները։ Մեզ փոխանցեցին, որ առաջիկայում աշխատակազմը պարզաբանում կներկայացնի։ Ընդգծենք, որ նախագահն ունի օրենքով սահմանված 21-օրյա ժամկետ՝ մինչ ստորագրելը։ Ի դեպ, հուլիսի 7-ին էլ ՍԴ-ն քննելու է Ռոբերտ Քոչարյանի գործը։ Եթե մինչ այդ դատավորների կազմի փոփոխություն չեղավ, ապա գործը կքննվի գործող կազմի կողմից։
Նարեկ Կիրակոսյան
