29.04.2026 | 20:13
Բեռնատարը դուրս է եկել ճանապարհի երթևեկելի հատվածից և կողաշրջվել
ԱԺ-ն ամբողջությամբ ընդունեց Սահմանադրական փոփոխությունների նախագիծը․ քվեարկեց միայն «Իմ քայլը» խմբակցությունը
Քաղաքականություն
22.06.2020 | 20:00
ԱԺ արտահերթ նիստում երկրորդ ընթերցմամբ ընդունվեց «Իմ քայլը» խմբակցության պատգամավորների կողմից ներկայացված ՀՀ Սահմանադրության փոփոխությունների նախագիծը, որով փոփոխության է ենթարկվում Սահմանադրության անցումային դրույթների 213-րդ հոդվածը:
Նախագիծը նախատեսում է դադարեցնել ՍԴ այն անդամների լիազորությունները, որոնք պաշտոնավարել են 12 տարուց ավելի: Նրանց փոխարեն կնշանակվեն ՍԴ նոր անդամներ:
Այսպիսով՝ դադարեցվում է Սահմանադրական դատարանի նախագահ Հրայր Թովմասյանի լիազորությունները` թույլ տալով նրան պաշտոնավարել որպես ՍԴ դատավոր։ ՍԴ երեք անդամների` Ֆելիքս Թոխյանի, Հրանտ Նազարյանի և Ալվինա Գյուլումյանի լիազորությունները կդադարեցվեն: Խորհրդարանը որոշել է Սահմանադրական փոփոխությունների հարցով չդիմել Սահմանադրական դատարան։ Նախագծին կողմ քվեարկեց 89 պատգամավոր:
Ազգային ժողովի ընդդիմադիր՝ «Լուսավոր Հայաստան» և «Բարգավաճ Հայաստան» խմբակցությունները ներկա չէին նիստին։
