26.04.2026 | 10:44
Լարսը բաց է բոլոր տեսակի տրանսպորտային միջոցների համար
Սա միջանկյալ լուծում է․ համապարփակ լուծում կտրվի խորքային սահմանադրական փոփոխություններով․ ԼիլիթՄակունց. ՏԵՍԱՆՅՈՒԹ
Քաղաքականություն
22.06.2020 | 14:30
1․5 տարվա ընթացքում Սահմանադրական դատարանն ունեցել է ինքնուրույն վերափոխվելու հնարավորություն, սակայն դա տեղի չի ունեցել։ Այս մասին այսօր ԱԺ արտահերթ նիստում ասաց Լիլիթ Մակունցը՝ ելույթ ունենալով «Իմ քայլը» խմբակցության անունից։
Նա ասաց՝ մնում են այն համոզման, որ հանրաքվեն մնում է լավագույն տարբերակը՝ ՍԴ շուրջ իրավիճակը լուծելու համար։
«Սակայն հասկանալի է, որ կորոնավիրուսով պայմանավորված իրավիճակով, սահմանափակումներով և հանրության առողջությունը վնասելով չենք կարող իրականացնել սահմանադրական հանրաքվե։ Հետևաբար, շարունակելով խորհրդակցությունները մեր միջազգային գործընկերների հետ, գալով կոնցեպտուալ առումով ընդհանուր եզրահանգումների և համաձայնության, մենք ներկայացնում ենք այն նախագիծը, որն այսօր դրվել է քննարկման ԱԺ-ում։ Իհարկե, այս լուծումը, կարծում եմ, միջանկյալ լուծում է, որի համապարփակ և խորքային անդրադարձը կտրվի արդեն խորքային սահմանադրական փոփոխությունների արդյունքում»,- նշեց Լիլիթ Մակունցը։
Հիշեցնենք, որ «Իմ քայլը» խմբակցության պատգամավորները ՀՀ Սահմանադրության փոփոխությունների նախագիծ են ներկայացրել, որով փոփոխության է ենթարկվում Սահմանադրության անցումային դրույթների 213-րդ հոդվածը: Նախագիծը նախատեսում է, որ պետք է դադարեն ՍԴ այն անդամների լիազորությունները, որոնք պաշտոնավարել են 12 տարուց ավելի և նրանց փոխարեն նշանակվեն ՍԴ նոր անդամներ:
Մանրամասները՝ տեսանյութում։
