18.11.2024 | 08:23
ԲԴԽ նախագահ Կարեն Անդրեասյանը պաշտոնից ազատման դիմում է ներկայացրել
ՀՀ-ում ՍԴ ճգնաժամը հնարավոր է հաղթահարել Վենետիկի հանձնաժողովի խորհրդատվությամբ. ԵԽ քարտուղար
Քաղաքականություն
22.06.2020 | 14:10
ԵԽ գլխավոր քարտուղար Մարիա Պեյչինովիչ Բուրիչը Հայաստանում սահմանադրական ճգնաժամի հաղթահարման ուղղությամբ ՀՀ իշխանությունների ջանքերը սատարող հայտարարություն է տարածել, որում նշել է, որ ճգնաժամը հնարավոր է հաղթահարել Վենետիկի հանձնաժողովի խորհրդատվությամբ։
«Հունիսի 19-ին ընդունված և այսօր հրապարակված Վենետիկի հանձնաժողովի կարծիքը հնարավոր է դարձնում լուծել Ազգային ժողովի և Սահմանադրական դատարանի միջև առկա սահմանադրական ճգնաժամի կենտոնական խնդիրները։ Վենետիկի հանձնաժողովն իր կարծիքի մեջ հստակեցրել է Սահմանադրության փոփոխությունների գործընթացում Սահմանադրական դատարանի վերանայման շրջանակը, ինչպես նաև ընդունել է Ազգային ժողովի՝ իր կողմից հանրաքվե նախաձեռնելու մասին որոշումը չեղարկելու իրավասությունը։ Ավելին, այն ընդունել է, որ Սահմանադրական դատարանի կազմի վերաբերյալ 2015 թվականի Սահմանադրության դրույթները լիարժեք կատարելու նպատակը օրինական է: Որպեսզի այս նպատակը համադրվի դատավորների պաշտոնավարման անվտանգության և անկախության պահպանման անհրաժեշտության հետ, Վենետիկի հանձնաժողովը ներկայացրել է նոր անցումային շրջան, որի տևողությունը պետք է որոշեն Հայաստանի իշխանությունները: Վենետիկի հանձնաժողովը ափսոսանք է հայտնել, որ իր կարծիքի հաստատման օրը պատգամավորների կողմից շրջանառության մեջ դրված նախագիծը չի նախատեսում նման անցումային ժամկետ»,- նշել է ԵԽ Գլխավոր քարտուղար Մարիա Պեյչինովիչ Բուրիչը։
