20.01.2026 | 11:26
ԱԺ-ն առաջին ընթերցմամբ ընդունեց 27-37 տարեկան չծառայածներին քրեական պատասխանատվությունից ազատելու նախագիծը
Facebook-ը ջնջել է Թրամփի շտաբի գովազդը՝ նացիստական խորհրդանիշի պատճառով
Քաղաքականություն
19.06.2020 | 18:28
Facebook սոցիալական ցանցը հունիսի 18-ին ջնջել է ԱՄՆ գործող նախագահ Դոնալդ Թրամփի նախընտրական շտաբի մի շարք գովազգային հրապարակումներ և հաղորդագրություններ։ Ընկերության ներկայացուցիչը պարզաբանել է, որ դրանք խախտել են «կազմակերպված ատելության դեմ» սոցցանցի սահմանած կանոնները, գրում է DW-ի ռուսական ծառայությունը։
Աղբյուրի փոխանցմամբ՝ հաղորդագրությունները քննադատություն են պարունակել «ձախ ռադիկալ խմբերի» հասցեին։ Դրանց հեղինակները նրանց են պատասխանատու համարել անկարգությունների համար։ Հրապարակումներն ուղեկցվել են շրջված կարմիր եռանկյունու պատկերներով։
Մեկնաբանելով այս իրավիճակը՝ Թրամփի արշավի ներկայացուցիչն ասել է, որ կարմիր եռանկյունին էմոձի է և ներառված չէ ADL-ի (հրեական իրավապաշտպան կազմակերպություն ԱՄՆ-ում) տվյալների բազայում։
ADL-ի ներկայացուցիչ Ջոնաթան Գրինբլեթը, սակայն, Twitter-ում գրել է, որ այդ խորհրդանիշը «նացիստներն օգտագործել են՝ համակենտրոնացման ճամբարներում քաղաքական բանտարկյալներին առանձնացնելու համար»։ Նա հավելել է, որ Թրամփի ընտրարշավի մասնակիցները պետք է «պատմություն սովորեն, քանի որ տգիտությունը չի արդարացնում նացիստական խորհրդանիշերի օգտագործումը»։
ԱՄՆ-ում նախագահական ընտրությունները նախանշված են նոյեմբերի 3-ին։
