01.07.2026 | 08:52
ԱԱ-2026. Մեքսիկան 1/8 եզրափակիչում է. ՏԵՍԱՆՅՈՒԹ
Դատախազությունը կբողոքարկի Ռոբերտ Քոչարյանին գրավի դիմաց ազատ արձակելու՝ Վերքաննիչի որոշումը
Հասարակություն
18.06.2020 | 20:51
Գլխավոր դատախազությունը վճռաբեկ բողոք կներկայացնի Մարտի 1-ի գործով ամբաստանյալ Ռոբերտ Քոչարյանին 2 միլիարդ դրամ գրավի դիմաց ազատ արձակելու՝ Վերաքննիչ դատարանի որոշման դեմ: Այս մասին Factor.am-ին տեղեկացրեց Գլխավոր դատախազության հանրային կապերի բաժնի պետ Արևիկ Խաչատրյանը։
Վերաքննիչ դատարանը, հիշեցնենք, դատավոր Արսեն Նիկողոսյանի նախագահությամբ այսօր հրապարակեց իր որոշումը, որի համաձայն՝ ՀՀ երկրորդ նախագահ, Մարտի 1-ի գործով ամբաստանյալ Ռոբերտ Քոչարյանը գրավի դիմաց ազատ արձակվեց կալանքից։ Որպես գրավ Քոչարյանը դատարանին կվճարի 2 միլիարդ դրամ։
Նշենք, որ առաջին ատյանում Հայաստանի և Արցախի նախկին վարչապետները անձնական երաշխավորություն էին ներկայացրել Քոչարյանի ազատ արձակման համար, սակայն դատավոր Աննա Դանիբեկյանը մերժել էր այն։ Այս որոշումն էլ բողոքարկել էին պաշտպանները։
