23.01.2026 | 18:25
Նաիր Թիկնիզյանը մոտիվացնող գրառում է արել Եվրոպայի լիգայի փլեյ-օֆֆ դուրս գալուց հետո
«Ցանկացած պարագայով, շարֆով դեմքը փակեք»-ից մինչև «կտորով դիմակներ մի կրեք»․ ինչպե՞ս կողմնորոշվել. ԵզրաԿԱՑՈՒԹՅՈՒՆ
Հաղորդաշարեր
18.06.2020 | 18:51
Կառավարության այսօրվա՝ հունիսի 18-ի նիստին, առողջապահության նախարար Արսեն Թորոսյանը, անդրադառնալով COVID-19-ի դեմ պայքարում դիմակների արդյունավետությանը, նշեց․ «Ես խնդրում և կոչ եմ անում առնվազն մեր բոլոր գործընկերներին, այդ թվում՝ այստեղ ներկա, կտորից դիմակներ չկրել, եթե հնարավոր է կրել սովորական բժշկական դիմակ, որովհետև նա մի քանի անգամ ավելի է պաշտպանում։ Նույնը՝ մեր քաղաքացիներին։ Այսինքն՝ կտորից դիմակի՝ ալտերնատիվ լինելը միայն պետք է ֆինանսական միջոցների բացակայությամբ պայմանավորված լինի»։
Ամիսներ առաջ, սակայն, նույն թեմային անդրադառնալիս, ինչպես Արսեն Թորոսյանը, այնպես էլ ՀՀ պարետ Տիգրան Ավինյանը և «Իմ քայլը» խմբակցության ղեկավար Լիլիթ Մակունցը պնդում էին, որ կտորից դիմակներ կրելը ևս արդյունավետ է։ Նման կոչով Ազգային ժողովում հանդես էր եկել նաև վարչապետ Նիկոլ Փաշինյանը՝ 10 րոպե շարունակ կրկնելով, որ կարելի օգտագործել ոչ միայն բժշկական, այլ նաև տանը պատրաստված դիմակներ։ Նույն կոչը ամեն օր ՀՀ քաղաքացիները լսում են ԱԻՆ և Ոստիկանության շրջիկ մեքենաներից։
Կտորից դիմակի արդյունավետության մասին հոլովակներն էլ արդեն տևական ժամանակ է ՀՀ Կառավարության էջում են։
Մանրամասները՝ տեսանյութում։
Նելլի Մելքոնյան
