11.01.2025 | 19:09
Երկրաշարժ Սպիտակ քաղաքից 1 կմ հյուսիս
ԱԱԾ-ն մտել է Վարդան Ղուկասյանի գրասենյակ և Վարդևան Գրիգորյանի բնակարան. հեռախոսներ են առգրավել
Հասարակություն
18.06.2020 | 17:18
Ազգային անվտանգության ծառայությունը երեկ կեսօրին խուզարկություն է իրականացրել Ազգային ժողովի ԲՀԿ-ական պատգամավորներ Վարդևան Գրիգորյանին և Վարդան Ղուկասյանին պատկանող կառույցներում:
Մասնավորապես, ժամը 12-ին մտել են Վարդևան Գրիգորյանի տուն, նույն օրը նաև խուզարկել են Վարդան Ղուկասյանի գրասենյակը:
Վարդևան Գրիգորյանը Factor.am-ի հետ զրույցում ասաց, որ խուզարկության ժամանակ ինքը տանը չի եղել, ԱԱԾ աշխատակիցները ցույց են տվել խուզարկություն իրականացնելու փաստաթուղթ և կատարել որոշակի գործողություններ:
Պատգամավորի խոսքով՝ առգրավել են իր այփադը և թոռների հեռախոսները:
Վարդան Ղուկասյանի հետ կապ հաստատել չհաջողվեց: ԱԱԾ-ից տեղեկությունները դեռ չեն մեկնաբանում:
Նարեկ Կիրակոսյան
