15.06.2026 | 13:01
Կփոխվի ԱԺ պատգամավորների երդման տեքստը․ Ալեն Սիմոնյանն օրենսդրական 3 նախաձեռնության մասին է հայտնել
Ոստիկանության Երևանի և մարզային բաժիններում ՄԻՊ ներկայացուցիչներն առանձնազրույց են ունեցել բերման ենթարկված 112 անձի հետ
Հասարակություն
16.06.2020 | 20:59
ՄԻՊ-ի տեղեկացմամբ Ոստիկանության Երևանի և մարզային բաժիններում Պաշտպանի ներկայացուցիչներն առանձնազրույցներ են ունեցել բերման ենթարկված 112 անձի հետ:
«Մարդու իրավունքների պաշտպանի հանձնարարությամբ՝ այսօր վաղ առավոտից Ոստիկանության բաժիններ մեկնած արագ արձագանքման խմբերն առանձնազրույցներ են ունեցել 112 անձանց հետ Երևանում և մարզերում։
Աշխատակազմում առանձին դիտարկվել են նաև լրատվության միջոցների ու սոցիալական ցանցերի հրապարակումները։
Ոստիկանության բաժիններ այցերի, առանձնազրույցների և փաստաթղթերի ուսումնասիրության արդյունքները կամփոփվեն, և արձանագրված բոլոր հարցերը լուծումների առաջարկների հետ միասին ամբողջական տեսքով կներկայացվեն Ոստիկանություն»,- ասված է ՄԻՊ-ի գրառման մեջ։
Մարդու իրավունքների պաշտպանը բոլորին կոչ է անում պահպանել կորոնավիրուսի կանխարգելման կանոնները։
