24.04.2026 | 00:23
Սպերցյանի գոլն օգնել է «Կրասնոդարին» հաղթել «Սպարտակին»․ ՏԵՍԱՆՅՈՒԹ
Ինչո՞ւ Սասուն Միքայելյանը և Թագուհի Թովմասյանը չմասնակցեցին Ծառուկյանի հարցով քվեարկությանը. ՏԵՍԱՆՅՈՒԹ
Քաղաքականություն
16.06.2020 | 18:59
Այսօր խորհրդարանը քննարկեց և քվեարկեց ԱԺ«Բարգավաճ Հայաստան» խմբակցության ղեկավար Գագիկ Ծառուկյանին անձեռնմխելիությունից զրկելու և քրեական հետապնդում սկսելու հարցերով։
Երկու քվեարկություններին հրաժարվեցին մասնակցել երկու ընդդիմադիր խմբակցությունները՝ «Բարգավաճ Հայաստան»-ը և «Լուսավոր Հայաստան»-ը։
Քվեարկեցին՝ միաձայն կողմ արտահայտվելով անկախ պատգամավոր Արման Բաբաջանյանը և իշխող «Իմ քայլը» խմբակցության ութսունվեց պատգամավորներ։
Իշխող ուժից բացակայում էր երկու պատգամավոր՝ Սասուն Միքայելյանը և Թագուհի Թովմասյանը։ Խմբակցությունից Factor.am-ին փոխանցեցին, որ Միքայելյանն առողջական խնդիրներ ունի, այդ իսկ պատճառով ներկա չէ։ Իսկ Թագուհի Թովմասյանն էլ փետրվարից գտնվում է մայրության՝ հետծննդյան խնամքի արձակուրդում։
Մերի Մարտիրոսյան
