08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Վաղվանից ՀՀ քաղաքացիները պետք է պարտադիր անձը հաստատող փաստաթուղթ ունենան․հակառակ դեպքում կտուգանվեն. ՏԵՍԱՆՅՈՒԹ
16.06.2020 | 18:14
Վաղվանից ՀՀ քաղաքացիները պետք է պարտադիր տանից դուրս գալիս անձը հաստաստող փաստաթուղթ ունենան։ Պարետատան այսօրվա նիստից հետո տեղի ունեցած ճեպազրույցում այս մասին ասաց ՀՀ վարչապետ Նիկոլ Փաշինյանը։
Նա հավելեց, որ անձը հաստատող փաստաթուղթ չունենալու դեպքում կկիրառվի առանձին տուգանք՝ 10 հազար դրամի չափով:
«Վաղվանից ՀՀ բոլոր քաղաքացիների համար կլինի պարտադիր անձը հաստատող փաստաթղթի կրումը: Դիմակ չկրելու համար վարչական իրավախախտումը ձևակերպելու ընթացքում խնդիր է առաջանում, քանի որ քաղաքացիները չեն ունենում անձը հաստատող փաստաթուղթ: Սրանից գործընթացի արդյունավետությունը տուժում է: Անձնագիր չունենալն ու դիմակ չկրելը կլինեն առանձին իրավախախտումներ: Անձը հաստատող փաստաթուղթ չունենալու համար քաղաքացիները կտուգանվեն 10 հազար դրամով»,- ասաց վարչապետը։
Մանրամասները՝ տեսանյութում։
