01.07.2026 | 12:34
Արուսյակ Մանավազյանն առաջադրվել է ԱԺ ՔՊ խմբակցության ղեկավարի պաշտոնում
Իրավապահ համակարգից արտահոսք է եղել, որին ծանոթացել են ԲՀԿ-ականները. Լիլիթ Մակունց. ՏԵՍԱՆՅՈՒԹ
Հասարակություն
15.06.2020 | 18:27
Չկա որևէ քաղաքական պատվեր, կան իրավապահների դաշտում գտնվող որոշակի գործեր, որոնք անհրաժեշտություն ունեն բացահայտման: Այս մասին այսօր ԱԺ-ում լրագրողների հետ զրույցում ասաց ԱԺ «Իմ քայլը» խմբակցության ղեկավար Լիլիթ Մակունցը՝ անդրադառնալով ԲՀԿ ղեկավար Գագիկ Ծառուկյանին առնչվող քրեական գործերին և նրա հայտարարությանը, թե սա քաղաքական պատվերով քրեական գործերի հորինում է։
«Կարծում եմ՝ հիմա հակառակ գործընթացն է տեղի ունենում և այնպիսի տպավորություն է, որ փորձ է կատարվում խոչընդոտել իրավապահ մարմինների անկաշկանդ գործողություններին: Որևէ ուժի կողմից նման որևէ ճնշումն անթույլատրելի է»,- նշեց Մակունցը։
Հարցին՝ համընկնումները շատ չե՞ն, երբ Ծառուկյանը հայտարարեց կառավարության 100 տոկոս հրաժարականի մասին, եղան քրեական գործեր, Մակունցն արձագանքեց. «Իմ խորին համոզմամբ և վերջին շրջանի հրապարակումները հենց այդ են վկայում, որ որոշակի արտահոսք է, հավանաբար, տեղի ունեցել իրավապահ համակարգից, որին ծանոթացել են ԲՀԿ-ականները, միգուցե մեկ անդամ, գուցե հենց խմբակցության ղեկավարը, ինչից պաշտպանվելու առաջին քայլը եղել է քաղաքական հայտարարությամբ հանդես գալը, որն իրենք կկարողանային որակել որպես քաղաքական պրոցես»։
Մանրամասները՝ տեսանյութում:
Մերի Մարտիրոսյան
