29.04.2026 | 21:38
Հայաստանի գավաթ․ «Նոան» և «Ուրարտուն» կհանդիպեն եզրափակիչում. ՏԵՍԱՆՅՈՒԹ
Ծառուկյանին անձեռնմխելիությունից զրկելու հարցն ընդգրկված չէ ԱԺ խորհրդի նիստի օրակարգում
Քաղաքականություն
15.06.2020 | 13:26
Ազգային ժողովի պաշտոնական կայքում հրապարակվել է այսօր կայանալիք ԱԺ խորհրդի նիստի օրակարգը:
Նիստում քննարկվելու է հինգ հարց: Կայքից տեղեկանում ենք, որ առայժմ օրակարգում չկա «Բարգավաճ Հայաստան» խմբակցության ղեկավար Գագիկ Ծառուկյանին պատգամավորական անձեռնմխելիությունից զրկելու հարցը:
Հիշեցնենք՝ ոչ պաշտոնապես շրջանառվում է տեղեկություն, որ ԱԺ-ն վաղվա հերթական նիստին քննարկելու է վերոնշյալ՝ Ծառուկյանին անձեռնմխելիությունից զրկելու հարցը:
Երեկ ԱԱԾ-ն Գագիկ Ծառուկյանին վերագրվող ենթադրյալ արարքների վերաբերյալ միանգամից երեք հաղորդագրություն է տարածել, որից երկուսը ապօրինի հարստանալու, հարկերը թաքցնելու մասին է, իսկ երրորդը ընտրակաշառք բաժանելու:
Նշենք, որ ԱԺ խորհրդի նիստին դեռ երեք ժամ ժամանակ կա և չի բացառվում, որ մինչ այդ հարցն ընդգրկվի օրակարգում:
Գագիկ Ծառուկյանն այս գործընթացը համարում է քաղաքական հետապնդում:
Նարեկ Կիրակոսյան
