27.03.2026 | 23:30
Պորտուգալիայում քահանաների կողմից սեռական բռնության զոհերին ավելի քան 1,6 միլիոն եվրո փոխհատուցում է հատկացվել
Ծառուկյանն ու Վանեցյանը վաղուց են այգում հանդիպում ունեցել. Ալեն Սիմոնյան. ՏԵՍԱՆՅՈՒԹ
Քաղաքականություն
15.06.2020 | 12:25
ԱԺ փոխնախագահ Ալեն Սիմոնյանն այսօր ԱԺ-ում խոսեց ԲՀԿ նախագահ Գագիկ Ծառուկյանի նախաձեռնած քաղաքական պայքարի մասին։ Սիմոնյանն ասաց, որ դրա մեջ որևէ վատ բան չի տեսնում։ ԱԺ փոխխոսնակը նշեց նաև, որ տեղյակ է Ծառուկյանի քաղաքական հանդիպումներից։
«Պարոն Ծառուկյանը հանդիպել է ԱԱԾ նախկին տնօրեն պարոն Վանեցյանի հետ բազմաթիվ անգամներ նույն այգում, որտեղ քաղխորհրդի նիստ էին անցկացնում։ Եվ պարոն Վանեցյանը նույնպես դա չի հերքել»,- ասաց նա։
Factor.am-ի հարցին, թե իշխանությանը չի՞ անհանգստացրել այդ հանգամանքը, Սիմոնյանն ասաց. «ՀՀ իշխանությանն անհանգստացնում է և մտորումների տեղիք է տալիս միայն ՀՀ քաղաքացիների հետ շփումը: Թե ով որ այգում ում հետ կհանդիպի, ինչ հին քաղաքական մեռել կբերի քաղաքական դաշտ՝ դա չորրորդական բան է: Մեզ համար կարևորը ՀՀ քաղաքացիների հետ համագործակցությունն է»:
Մանրամասները՝ տեսանյութում:
Մերի Մարտիրոսյան
