08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Վաղը Գագիկ Ծառուկյանի հարցաքննությունը կշարունակվի
Քաղաքականություն
15.06.2020 | 01:08
Հունիսի 14-ին ԱԱԾ-ում 8 ժամ տևած հարցաքննությունից հետո «Բարգավաճ Հայաստան» կուսակցության և համանուն խմբակցության ղեկավար Գագիկ Ծառուկյանը կարճատև հանդիպում է ունեցել ԲՀԿ-ական պատգամավորների հետ։
Factor.am-ն իր հավաստի աղբյուրներից տեղեկացավ, որ հանդիպման ընթացքում քննարկվել են հունիսի 14-ին տեղի ունեցած իրադարձությունները. Ծառուկյանի առանձնատանը տեղի ունեցած խուզարկությունը, ապա՝ հարցաքննությունն ԱԱԾ-ում։ Ծառուկյանին հարցաքննել են միանգամից մի քանի գործերի շրջանակում։
Նշենք, որ վաղը ԲՀԿ ղեկավարի հարցաքննությունը կշարունակվի։ Ծառուկյանի՝ պատգամավորների հետ կայացած կարճատև հանդիպմանը քննարկվել է նաև Ծառուկյանին ԱԺ-ի միջոցով պատգամավորական անձեռնմխելիությունից զրկելու հարցը։ ԲՀԿ-ականները կարծում են, որ ներկայիս գործընթացները հենց այդ ուղղությամբ են տարվում, և չնայած դրան, մտադիր չեն ետ կանգնել իրենց ծրագրերից, այն է՝ հասնել կառավարության 100 տոկոսանոց փոփոխությանը։
Չի բացառվում, որ վաղը նույնպես Գ. Ծառուկյանի աջակիցները հավաքվեն ԱԱԾ շենքի մոտ՝ բողոքի ակցիա իրականացնելու։
Մերի Մարտիրոսյան
