17.09.2026 | 20:09
Ֆուտզալի Հայաստանի հավաքականը հաղթեց Մոլդովային
«Առինջ մոլի» աշխատակիցները պնդում են՝ իրենց հորդորել են գնալ Ծառուկյանի տան մոտ ցույցի, մոլի փոխտնօրենը հերքում է
Հասարակություն
14.06.2020 | 12:17
Factor.am-ի խմբագրությունը «Առինջ մոլի» աշխատակիցներից ահազանգ էր ստացել, որ իրենց ստիպում են թողնել իրենց առևտրային տաղավարը և գնալ ու մասնակցել Գագիկ Ծառուկյանի տան դիմաց տեղի ունեցող ցույցին։ Ըստ մեզ ահազանգած քաղաքացիների՝ իրենց անունները ցուցակագրել են և արդեն Ծառուկյանի տան դիմաց ներկա-բացակա են արել։
Ահազանգած աշխատակիցներից մեկը պնդում էր, թե իրենց հորդորողները եղել են Երևանի ավագանու անդամ, «Առինջ մոլի» փոխտնօրեն Արմեն Ներսիսյանը և ևս երկու անձ։
Factor.am-ի թղթակցին հաջողվեց տեղում՝ Ծառուկյանի առանձնատան մոտ, հանդիպել Ներսիսյանին։ Հարցին, թե արդյոք առավոտյան մոլի աշխատակիցներին հորդորել է դադարեցնել աշխատանքը և մասնակցել Ծառուկյանի առանձնատան մոտ տեղի ունեցող ցույցին, ու ինչ հիմնավորմամբ է դա արել, Ներսիսյանը փոխանցեց․ «Ով ինչ սուտ խոսի, պիտի հավատա՞ք, այսօր ես առավոտյան 8:20 եղել եմ «Առնիջ մոլում» ու միանգամից եկել եմ ստեղ։ Ես կամեռաներով կապացուցեմ, փաստավավերագրական, որ իմ ու իմ ընկերների կողմից նման բան չի եղել, ուրեմն մարդիկ սեփական խելք չունեն, ես պիտի հորդորե՞մ, որ գան»,- ասաց Ներսիսյանը։
Լիլիթ Շաբոյան
