15.01.2026 | 11:52
Թրամփը հայտարարել է, որ Իրանում մահապատիժները դադարեցվել են. իրավապաշտպանները հայտնում են ավելի քան 3400 զոհի մասին
Հայտնի է, թե ինչու է ԱԱԾ֊ն մտել Ծառուկյանի առանձնատուն
Քաղաքականություն
14.06.2020 | 09:55
ԱԱԾ-ն վաղ առավոտից գտնվում է ԲՀԿ առաջնորդ, պատգամավոր Գագիկ Ծառուկյանի Առինջի առանձնատանը: Կատարվում է խուզարկություն։
Քիչ առաջ ԱԺ «Բարգավաճ Հայաստան» խմբակցության անդամ Նաիրա Զոհրաբյանը ֆեյսբուքյան ուղիղ եթերում ասաց, որ ըստ իրենց տեղեկությունների, պատճառը 2017 թվականին տեղի ունեցած խորհրդարանական ընտրությունների ժամանակ Մարտունիի ԲՀԿ-ական թեկնածուներից մեկի հետ եղած ենթադրյալ ֆինանսական խնդիրներն են։
Նաիրա Զոհրաբյանն իր խոսքում նաև նշեց, որ այս պահին ԱԱԾ աշխատակիցները գտնվում են որոշ ԲՀԿ-ականների տանը։ Պատգամավորը, ինչպես նաև Ծառուկյանի առանձնատանը հավաքված նրա գործընկերները, սա որակում են քաղաքական հետապնդում՝ կապված Ծառուկյանի քննադատության հետ։
Այլ մանրամասներ դեռ չեն հաղորդվում։
ԱԱԾ-ից մեկնաբանություն ստանալ չհաջողվեց։
Նարեկ Կիրակոսյան
