Պետությունը շարունակելու է վարչական միջոցներ գործադրել հակահամաճարակային կանոնները չպահպանած քաղաքացիների նկատմամբ։ Պարետատան նիստից հետո այս մասին հայտարարեց ՀՀ վարչապետ Նիկոլ Փաշինյանը։
Նա հավելեց, որ կան բազմաթիվ քաղաքացիներ, որոնք, ցավոք, չեն պահպանում հակահամաճարակային կանոնները։
«Լուր է շրջանառվում, թե վարչական տուգանքները, որ մինչև հիմա կիրառվել են, չեղարկվելու են։ Ես ուզում եմ ասել, որ այդպիսի հույսերը իզուր են։ Հակահամաճարակային կանոնները չպահպանելու համար սահմանված վարչական տույժերը չեն չեղարկվելու, դրանք պիտի վճարվեն՝ չնայած նրան, որ մեր խնդիրը քաղաքացիներին տուգանելը չէ, այլ այն, որ կանոնները պահպանվեն»,- ասաց վարչապետը։
Մանրամասները՝ տեսանյութում։
