08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Վեդիի դատարանում բոլորը ինքնամեկուսացված են․ ԲԴԽ նախագահ
13.06.2020 | 14:09
«Երեկ մենք ԲԴԽ արտահերթ նիստ հրավիրեցինք և որոշեցինք՝ ինչպես վարվել այն դեպքերում, երբ վարակվում է դատավորը, Դատական դեպարտամենտի աշխատակիցը․․․․մենք որոշում կայացրինք, որ դատավորը կամ ցանկացած աշխատակից, եթե ստանում է հաղորդագրությունը, որ ինքը պարտավոր է ինքնամեկուսանալ, դա ներկայացնի և այն արդեն իսկ հիմք է, որպեսզի բացակայությունը համարվի հարգելի»,- այս մասին այսօր ասաց ԲԴԽ նախագահ Ռուբեն Վարդազարյանը։
Նա նշեց, որ Վեդիի դատարանը մեկ շաբաթ է՝ համավարակի պատճառով չի գործում․ «Վեդիի դատարանում բոլորը ինքնամեկուսացված են, մեկ շաբաթ է, ինչ Վեդիի մեր դատարանը չի գործում՝ դատավորը, կարգադրիչները, դատական ծառայողները բոլորը կոնտակտավորների հետ են շփվել և աշխատանքի չեն հաճախում։ Բացի այդ, երկու դատավոր կորոնավիրուսով է վարակվել, գործերի բաշխման էլեկտրոնային համակարգը նրանց համար պետք էր փակել, սակայն օրենքը նման բան չէր նախատեսում, որ կորոնավիրուսով պայմանավորված դատավորի անունը բաշխման ցուցակից հանենք, մարդը հիվանդ պառկած, համակարգը գործ է մակագրում, այսինքն՝ պետք էր սա քննարկել, որպեսզի նման խնդիրների չառնչվենք, և մենք երեկ սրա լուծումը տվեցինք»,- նշեց Վարդազարյանը։
Լիլիթ Շաբոյան
