07.08.2026 | 10:39
Մենք հասկանում ենք, որ ԵՏՄ-ին և ԵՄ-ին միաժամանակյա անդամակցությունն անհնար է․ Նիկոլ Փաշինյան
Գեղարքունիքի մարզում Ադրբեջանի քաղաքացու են հայտնաբերել
Հասարակություն
12.06.2020 | 12:55
Factor.am-ի տեղեկություններով՝ այսօր առավոտյան Գեղարքունիքի մարզի Արեգունի համայնքում բնակիչները Ադրբեջանի քաղաքացու են հայտնաբերել։
Տեղեկությունը մեզ հետ զրույցում հաստատեց Արեգունիի համայնքապետ Սոս Հովհաննիսյանը՝ ասելով, որ Ադրբեջանի քաղաքացին 26 տարեկան երիտասարդ է։
Համայնքապետի փոխանցմամբ՝ երիտասարդը մեծացել է մանկատանը։ Նա մեր հայրենակիցներից ապաստան և աշխատանք է խնդրել։ Համայնքապետը նաև փոխանցեց, որ այս պահին Ադրբեջանի քաղաքացին հարցաքննվում է։
Հավելենք, որ երիտասարդը եղել է քաղաքացիական հագուստով։ Մենք տեղեկություն խնդրեցինք նաև ԱԱԾ-ից, որը դեռևս չենք ստացել, ստանալուն պես՝ կհրապարակենք։
Լիլիթ Շաբոյան
