22.02.2026 | 22:33
Ձմեռային Օլիմպիական խաղերի մեդալային հաշվարկում Նորվեգիան հաղթեց ռեկորդով
Ավանի ոստիկանները հայտնաբերել են դիտավորյալ վրաերթ կատարած անձին
Հասարակություն
10.06.2020 | 21:38
ՀՀ ոստիկանության Ավանի բաժնի ոստիկանները հայտնաբերել են հունիսի 7-ին դիտավորյալ վրաերթ կատարած 45-ամյա տղամարդուն։ Այս մասին տեղեկացրին ՀՀ ոստիկանության հասարակայնության հետ կապերի և լրատվության վարչությունից։
«Հունիսի 7-ի գիշերը վրաերթ էր տեղի ունեցել Ավանում։ Խուդյակովի փողոցի տեսախցիկներից մեկն արձանագրել էր, թե ինչպես է «Օպելի» վարորդը մեքենայով վրաերթի ենթարկում հետիոտնային անցումով փողոցը հատող տղամարդուն։ Վարորդը դեպքի վայրից դիմել էր փախուստի, իսկ վրաերթի ենթարկվածը տեղափոխվել էր թիվ 1 համալսարանական հիվանդանոց։ Նախնական տվյալներով՝ նրա առողջությանը պատճառվել է ծանր վնաս։ Հարուցվեց քրեական գործ։ Քրեական ոստիկանության գլխավոր վարչության ծառայողները օպերատիվ ճանապարհով փաստական տվյալներ ձեռք բերեցին, որ տեղի ունեցածը անզգուշության հետևանք չէր. «Օպելի» վարորդը դիտավորյալ վրաերթի էր ենթարկել 45-ամյա տղամարդուն։ Պարզեցին նաև կասկածվողի ինքնությունը, իսկ արդեն հունիսի 8-ին Ավանի ոստիկանները Երևանի բնակիչ, 48-ամյա տղամարդուն հայտնաբերեցին ու բերման ենթարկեցին։ Նա ձերբակալվել է։ Հանցագործության գործիք մեքենան տեղափոխվել է պահպանվող հատուկ տարածք։ Դեպքի առթիվ հարուցված քրեական գործի նախաքննությունը շարունակվում է»,- ասված է հաղորդագրության մեջ։
