19.09.2026 | 13:33
ԱԺ պատվիրակությունը սեպտեմբերի 27-ից հոկտեմբերի 2-ը կմեկնի Ստրասբուրգ
Թավշյա հեղափոխությունից հետո մինչև հիմա ՀՀ-ն գտնվում է արտակարգ իրավիճակում, որին ավելացավ համավարակի գործոնը․ Արթուր Սաքունց. ՏԵՍԱՆՅՈՒԹ
Քաղաքականություն
10.06.2020 | 16:40
Եկեք արձանագրենք, որ թավշյա հեղափոխությունից հետո մինչև հիմա Հայաստանի Հանրապետությունն իրապես գտնվում է արտակարգ իրավիճակում։ «COVID-19-ի տարածում, ներքաղաքական լարվածություն. համարժե՞ք են կառավարության քայլերը իրավիճակին» թեմայով այսօր կազմակերպված քննարկման ժամանակ նման կարծիք հայտնեց ՀՔԱ Վանաձորի գրասենյակի ղեկավար, իրավապաշտպան Արթուր Սաքունցը։
«Մենք արտակարգ իրավիճակում ենք գտնվում անցումային այս ժամանակահատվածում՝ ավտորիտար կառավարումից ժողովրդավարական, իրավական պետության վերականգնման առումով։ Եվ արտակարգ այս ժամանակահատվածին ավելացավ ևս մեկ արտակարգ գործոն՝ կորոնավիրուսի համավարակը, որը, իմ համոզմամբ, բացահայտեց կամ ավելի ֆիքսեց այն ինստիտուցիոնալ խնդիրները, որոնց լուծման համար առնվազն երկու տարի ժամանակ ունեինք»,- հավելեց նա։
Արթուր Սաքունցի խոսքով, սակայն, այս իշխանությունները շատ կարևոր մի հատկություն ունեն։
«Սովորելու հատկություն։ Թեկուզ ուշ, բայց, այնուամենայնիվ, սովորելու և լսելու հատկություն։ Մենք շատ դեպքերում արդարացիորեն դժգոհում ենք այդ պահվածքի որոշակիության բացակայությունից։ Իշխանությունից եկող ուղերձներն ինչքանով որ հստակ են, որոշակի են, նաև իրենց պահվածքն այդ ուղերձներին համապատասխանում է, դա որոշիչ նշանակություն ունի հանրային ընկալման վրա»,- նշեց իրավապաշտպանը։
Մանրամասները՝ տեսանյութում։
