27.08.2026 | 17:46
Մոսկվայում Ադրբեջանի դեսպանատան հյուրատան մոտ ակցիա է անցկացվել․ Բաքուն դատապարտել է «սադրանքը»․ ՏԵՍԱՆՅՈՒԹ
Մանվել Գրիգորյանը անգիտակից վիճակում տեղափոխվել է վերակենդանացման բաժանմունք․ պաշտպան
Հասարակություն
09.06.2020 | 22:37
Աժ նախկին պատգամավոր, ԵԿՄ նախկին նախագահ Մանվել Գրիգորյանի վիճակը կտրուկ վատացել է և նրան տնից տեղափոխել են հիվանդանոց վերակենդանացման բաժանմունք։ Գրիգորյանի փաստաբան Լևոն Բաղդասարյանը մեզ հետ զրույցում ասաց, որ Գրիգորյանի զարկերային ճնշումն է կտրուկ իջել և նաև գիտակցության կորուստ է ունեցել։
Գրիգորյանի մյուս պաշտպան Արսեն Մկրտչյանն էլ հայտնեց, որ նա «Նաիրի» բժշկական կենտրոնի վերակենդանացման բաժանմունքում է․ վիճակը ծայրահեղ ծանր է:
Պաշտպանի խոսքով՝ Գրիգորյանը գիտակցության է եկել, սակայն իրեն դեռ չեն թույլատրել տեսակցել նրան։
Հիշեցնենք՝ Մանվել Գրիգորյանը մեղադրվում է ապօրինի զենք-զինամթերք պահելու, ավելի քան 101 միլիոն դրամի գույք յուրացնելու, ավելի քան 1 միլիարդ դրամի հարկերի վճարումից խուսափելու, պետական միջոցներից ավելի քան 1 միլիարդ դրամ վատնելու և շորթմամբ 37 միլիոն դրամ արժողությամբ գույքի հափշտակությունը կազմակերպելու համար։
Հիշեցնենք, որ Մանվել Գրիգորյանը տարեսկզբին կրկին վատացել էր և դատախազության նախաձեռնությամբ նրա խափանման միջոցը փոխվել էր ստորագրությամբ չհեռանալու մասին որոշմամբ։
Գրիգորյանի պաշտպաններն այժմ պնդում են, որ այս խափանման միջոցը ևս պետք է փոխվի, որպեսի կարողանան նրան երկրից դուրս տանել՝ Ֆրանսիա բուժման։ Պաշտպանների խոսքով՝ Գրիգորյանի հիվանդությունները հասնում են երեք տասնյակի։
