Հասարակություն
09.06.2020 | 17:52Արդարադատության նախարարությունը սպասում է Վենետիկի հանձնաժողովի եզրակացությանը՝ սահմանադրական ճգնաժամը լուծելու ուղղությամբ առաջ շարժվելու համար։ Այս մասին այսօր ԱԺ-ում հայտարարեց արդարադատության նախարար Ռուստամ Բադասյանը` հավելելով, որ եզրակացությունը հավանաբար ստացվի «մեկ-երկու շաբաթների ընթացքում»:
Ապրիլի 5-ին նշանակված էր հանրաքվե, որի ընթացքում քաղաքացիները պետք է որոշեին ՍԴ նախագահ Հրայր Թովմասյանի և 6 դատավորների լիազորությունները դադարեցնելու հարցը, սակայն կորոնավիրուսի համավարակի պատճառով հանրաքվեն հետաձգվեց և այժմ չեղարկման ճանապարհին է։
Բադասյանը անդրադարձավ նաև Մարտի 1-ի գործով մեղադրյալ Ռոբերտ Քոչարյանի՝ մինչև համավարակի ավարտը հիվանդանոցում մնալու վերաբերյալ Վարչական դատարանի որոշմանը։
«Զարմացած եմ՝ ծանոթանալով այդ որոշմանը։ ՔԿԾ-ն պարտավոր է կալանքը պահպանել»,- ասաց նա։
Մանրամասները՝ տեսանյութում:
Մերի Մարտիրոսյան
