15.01.2026 | 19:15
Լիտրը 270 դրամ․ ինչու է հեղուկ գազը օր օրի թանկանում. ՏԵՍԱՆՅՈՒԹ
Եթե էդպիսի ակնարկներով եք խոսում, ես էլ մի քանի ակնարկներ կանեմ․ Դանիելյանը՝ ՍԴ աշխատակազմի ղեկավարին
Հասարակություն
09.06.2020 | 14:48
Նախորդ հանդիպումներին Ձեր վարքը շատ ավելի դրական էր խոսում Ձեր բարեկրթության մասին: Այս մասին այսօր ԱԺ-ում պետական-իրավական ու ֆինանսավարկային և բյուջետային հարցերի մշտական հանձնաժողովների համատեղ նիստի ժամանակ ասաց «Իմ քայլը» խմբակցության պատգամավոր Համազասպ Դանիելյանը՝ դիմելով Սահմանադրական դատարանի աշխատակազմի ղեկավար Էդգար Ղազարյանին։
«Բայց եթե այդպիսի ակնարկներով եք խոսում, ես էլ որոշ ակնարկներ կանեմ նյութի հետ կապված»,- նշեց պատգամավորը։
Նա ասաց, որ Սահմանադրական դատարանում 2017թ. դիմումներին արձագանքում էին միջինը 12 օրվա ընթացքում, 2018-19 թվականին դարձել է 18 օր, իսկ դիմումների թիվը չի ավելացել:
«Կարո՞ղ եք բացատրել՝ որն է պատճառը, արդյո՞ք դա կապված է աշխատակազմի ղեկավարի գրագիտության և կարողության հետ»,- ասաց նա:
Ղազարյանը նշեց, որ Սահմանադրական դատարանի աշխատակազմ ստացվող դիմումներին պատասխանի թե՛ ժամկետները, թե՛ բովանդակությունը կարող են կապված լինել բոլոր աշխատողների, այդ թվում՝ աշխատակազմի ղեկավարի պրոֆեսիոնալիզմի, գրագիտության հետ: «Գործնականում մենք դիմումներին պատասխանում ենք առավելագույնը երկու օրվա ընթացքում»,- հավելեց նա:
Մանրամասները՝ տեսանյութում։
