07.06.2026 | 17:19
ՀՀ նախագահը քվեարկել է
Եթե մի օր Ծառուկյանը կկազմի կառավարություն, թող խոսի այդ կառավարության կազմը փոխելու մասին. Սուրեն Պապիկյան. ՏԵՍԱՆՅՈՒԹ
Քաղաքականություն
08.06.2020 | 18:54
Տարածքային կառավարման և ենթակառուցվածքների նախարար Սուրեն Պապիկյանն այսօր ԱԺ-ում՝ լրագրողների հետ զրույցում, անդրադարձավ ԲՀԿ առաջնորդ Գագիկ Ծառուկյանի՝ կառավարության կազմը 100 տոկոսով փոխելու հայտարարությանը և ընդդիմադիր նոր բևեռ ձևավորելու հնարավորությանը։
Պապիկյանն ասաց, որ առողջ ընդդիմության գոյությունը յուրաքանչյուր կառավարության որակյալ աշխատանքի գրավականը կարող է լինել։ «Եթե մի օր Գագիկ Ծառուկյանը կկազմի կառավարություն, ապա թող խոսի այդ կառավարության կազմը փոխելու մասին, իսկ այս պահին դա իր լիազորությունների շրջանակում չէ։ Հասկանում եմ, որ Ծառուկյանը, ըստ էության, անվստահության հայտ է ներկայացնում, բայց դա չի նշանակում, որ այն իրականություն է, դա ԲՀԿ-ի և Գագիկ Ծառուկյանի խնդիրն է։ Եթե կան տողատակեր այդ հայտարարության մեջ, պետք է հիասթափեցնեմ իրենց, տարբեր մեղքեր փորձում են փաթաթել իշխանության վզին, ինչը շատ վատ եմ գնահատում։ Տարբեր քաղաքական ուժերի միավորման դեպքում, իշխանությունը մտահոգության առիթ չունի։ Մենք չենք կիսում այն խոսքերը, որ մսխել ենք ժողովրդի վստահությունը»,-շեշտեց Պապիկյանը։
Նախարարն ընդգծեց նաև, որ Գագիկ Ծառուկյանը չի կարող լինել օլիգարխ, որովհետև փոխկապակցված չէ իշխանության հետ։
Մանրամասները՝ տեսանյութում:
Մերի Մարտիրոսյան
