09.10.2026 | 15:23
ԱԱԾ-ն հերքում է Մեղրիում ադրբեջանցիների լինելու լուրը // Ադրբեջաներեն երգ՝ Փաշինյանի տեսանյութում․ ԼՈՒՐԵՐ
Ես դեռ ազատման դիմում չեմ գրել. ՊԵԿ փոխնախագահը պնդում է՝ բնականոն աշխատում են
Քաղաքականություն
08.06.2020 | 17:48
«Դա պարոն Անանյանի որոշումն է և այդ առումով՝ որևէ բան ավելացնել չեմ կարող»,- այս մասին այսօր ԱԺ-ում ասաց ՊԵԿ փոխնախագահ Արթուր Մանուկյանը՝ խոսելով ՊԵԿ նախագահի պաշտոնից Դավիթ Անանյանի հրաժարականի մասին։
Իսկ Factor.am-ի հարցին, թե արդյոք ինքն ազատման դիմում է գրել, քանի որ մամուլում նշվում է, որ մի քանի պաշտոնյա ևս կազատվի՝ Մանուկյանն ասաց. «Ես դեռ ազատման դիմում չեմ գրել։ ՊԵԿ-ում բոլոր տեղակալները շարունակում են իրենց աշխատանքային պարտականությունները»։
Հարցին՝ գուցե Անանյանի ազատումը կապված է մաքսատան հերթերի կամ, այսպես կոչված, մաքսանենգ ծխախոտի հետ, Մանուկյանն արձագանքեց․ «Դա ձեր բնորոշումն է, քանի որ այդպիսի բան գոյություն չունի, եթե լիներ, կլիներ համապատասխան հետևանք։ Որևէ բանի հետ չեմ ուզում կապել Անանյանի հրաժարականը, սա նորմալ գործընթաց է։ Արտառոց բան մի փնտրեք այս որոշման մեջ»։
Մանրամասները՝ տեսանյութում:
Մերի Մարտիրոսյան
