23.11.2024 | 16:53
ՏԿԵ նախարարն այցելել է Նոր Հաճնի կամուրջ, հանձնարարականներ տվել շինարարներին
«ՊԵԿ-ը հայտնաբերել է, թե Միշիկը ում ինչքան փող է տվել, ումից ինչքան փող է ստացել, ումից ինչ ու ինչպես է խլել»․ Հրաչյա Հակոբյան
Հասարակություն
08.06.2020 | 16:48
«Իմ քայլը» խմբակցության պատգամավոր Հրաչյա Հակոբյանն իր ֆեյսբուքյան էջում անդրադարձել է Սերժ Սարգսյանի փեսա, Վատիկանում ՀՀ նախկին դեսպան Միքայել Մինասյանին մեղսագրվող արարքներին։ Նա ուշագրավ հայտարարություն է արել՝ նշելով, թե վերականգնվել են Մինասյանի համակարգչի ֆայլերը, որոնցում մի շարք աղմկահարույց փաստեր են հայտնաբերվել։
«ՊԵԿ-ը շատ համեստ է, շատ զուսպ։ Ուրեմն՝ ի՞նչ է պարզվում։ Պարզվում է՝ խուզարկություններից մեկի ժամանակ գտնվել է Միշիկի հին համակարգիչը։ Ֆայլերը ջնջված են եղել։ Բայց մեր այթիշնիկները վերականգնել են ֆայլերը՝ մոտ 9 հազար հատ ու այնտեղ պարզվում է ամեն ինչ արձանագրված է, ամեն-ամեն ինչ։ Միշիկը ում ինչքան փող է տվել, ումից ինչքան փող է ստացել, ումից ինչ ու ինչպես է խլել, ընտրությունների արդյունքները ինչպես է կեղծել, ում միջոցով, ինչ հնարքներով, ում ոնց է առել։ Կարևորը՝ սեփականությունների ամբողջական ցանկով, օֆշորային հաշիվներով ու ընկերություններով։ Մարդ էդքան փող ունենա ու չկարողանա ֆայլ ջնջել անգամ. բա խոհանոց կմտնի, բա ինչ կանի»,- գրել է Հրաչյա Հակոբյանը։
Հիշեցնենք, որ Միքայել Մինասյանը գտնվում է հետախուզման մեջ։ Նրան մի շարք ծանր հոդվածներով մեղադրանքներ են առաջադրվել, մասնավորապես՝ ֆինանսական հանցագործությունների վերաբերյալ։
