17.11.2024 | 23:31
Պաշտոնանկություններ կառավարությունում․ 2 նախարար, ուժային կառույցների ղեկավարներ ու ՊԵԿ նախագահն ազատման դիմում են ներկայացրել
Ախալքալաքի Գոման գյուղի հայկական եկեղեցու վնասման փաստով քրգործ է հարուցվել․ ԼՈՒՍԱՆԿԱՐՆԵՐ
Քաղաքականություն
07.06.2020 | 19:46
Մշակութային ժառանգության պաշտպանության ազգային գործակալության միջնորդության հիման վրա ՆԳՆ Սամցխե-Ջավախքի ոստիկանության դեպարտամենտն Ախալքալաքի մունիցիպալիտետի Գոման Գյուղում մշակութային ժառանգության հուշարձանի վնասման փաստով սկսել է հետաքննություն: Այս մասին հաղորդում է վրացական Առաջին ալիքը՝ վկայակոչելով Մշակութային ժառանգության պաշտպանության ազգային գործակալությունը:
Աղբյուրի փոխանցմամբ՝ հետաքննությունը վերաբերում է գործակալության վերահսկիչ ծառայության տեսուչների խմբի կողմից հունիսի 4-ին գյուղում գտնվող հայկական եկեղեցու տարածքում հայտնաբերված հողի անօրեն աշխատանքներին:
«Տեղում ստուգման արդյունքում արդեն հաստատվել են եկեղեցու երեք կողմերում ծանր տեխնիկայի աշխատանքի հետքերը, ինչի հետևանքով վնասվել են եկեղեցու բակում գտնվող դամբարանները: Մասնագետները հայտնաբերել են մարդու ոսկորներ, որոնք շաղ են տված տաճարի բանկում: Ոստիկանությունը փորձում է պարզել, մշակութային ժառանգության հուշարձանի վրա իրականացրած աշխատանքների խմբի անդամների ինքնությունը, որոնք ենթարկվելու են քրեական պատասխանատվության»,- նշել են Մշակութային ժառանգության պաշտպանության ազգային գործակալությունում:
